web counter
LEXO PA REKLAMA!

SHKARKO APP

App Store
Google Play

Shkatërrohet grupi kriminal në Spanjë/ Arrestohen 56 persona, mes tyre edhe shqiptarë

16 Qershor 2022, 18:20, Kronika CNA
Shkatërrohet grupi kriminal në Spanjë/ Arrestohen 56 persona, mes
Paratë dhe sendet e sekuestruara

Shkatërrohet një grup kriminal në rajonin e Katalonjës, në Spanjë, pasi u zbulua aktiviteti i kultivimit të kanabisit.

Mësohet se nga ky operacion janë vënë në pranga 56 persona, nga mosha 19 deri në 58 vjeç, mes të cilëve gjenden edhe shtetas shqiptarë.

Ndaj tyre rëndon akuza e krimeve kundër shëndetit publik, në fushën e trafikut të lëndëve narkotike, të krijimit të organizatës kriminale dhe mashtrimit me energjinë elektrike.

Mediat vendase raportojnë se agjentët spanjollë kanë çmontuar 24 plantacione të kultivimit të drogës, ku kanë gjetur dhe sekuestruar më shumë se 22.600 bimë dhe 166 kilogramë kanabis, gati për shitje.

Gjithashtu janë sekuestruar 225 765 euro cash, një armë gjahu, një revole, një pistoletë me ajër të ngjeshur dhe armë të ndryshme me tehe.

Reth 90% e të arrestuarve nuk kishin të dhëna policore, ndërsa 18 prej tyre janë duke pritur vendimin e gjykatës nga qelia.

Duke bërë një përllogaritje të bimëve të sekuestruara, autoritetet spanjolle besojnë se në vit ky grup kriminal mund të prodhonte 1,275 kg marijuana dhe më çmimin e shumicës ata përkthehen në rreth 3.1 milionë euro./ B.A. – CNA.al





Lajmet e fundit nga