LEXO PA REKLAMA!

SHKARKO APP

E fundit!

x

Qëlloi me armë 30-vjeçarin/ Autori i të shtënave, i arrestuar në 2019-ën nga policia

17 Qershor 2022, 21:59, Kronika CNA
Qëlloi me armë 30-vjeçarin/ Autori i të shtënave, i
Foto nga vendngjarja

Ermal Matishi, autori i të shtënave me armë në Elbasan, është një emër i njohur për policinë.

Raportohet se 38-vjeçari ka qenë i arrestuar nga policia në vitin 2019, pasi nuk i është bindur urdhrit të efektivëve për të ndaluar.

Ndërkohë, mbrëmjen e sotme ai qëlloi me pistoletë 7 herë drejt 30-vjeçarit Arben Bekteshi, i cili fatmirësisht ka shpëtuar pa u prekur nga plumbat.

Shkak i të shtënave ka qenë një konflikt i tre javëve më parë të autorit dhe babait të shënjestrës së plumbave.

Ata kanë debatuar për një parakalim të gabuar dhe në pije e sipër, teksa kanë qenë në një lokal, 38-vjeçari i ka gjuajtur me grusht babait të Bekteshit. Kjo ka bërë që të afërm të Bekteshit të rrahin Ermal Matishin dhe ky i fundit kërkoi të hakmerret.

Pas të shtënave, 38-vjeçari është larguar nga vendngjarja dhe ka hedhur armën gjatë ndjekjes së policisë. Ndërkohë, blutë janë ende në kërkim të tij./ B.A. – CNA.al

Lajmet e fundit nga