web counter
LEXO PA REKLAMA!

SHKARKO APP

App Store
Google Play

E fundit!

x

7 vjedhje në 3 javë/ Kapet “skifteri” në Tiranë

6 Qershor 2023, 15:40, Kronika CNA

7 vjedhje në 3 javë/ Kapet “skifteri” në Tiranë

Zbardhen dhe dokumentohen 7 vjedhje të ndryshme të kryera së fundi, nga një 31-vjeçar, në kuadër të operacionit policor të koduar “Mountain bike”.

Blutë bëjnë me dije se si rrjedhojë kanë vënë në pranga të riun me iniciale V.S.

Vihet në pranga 31-vjeçari, sekuestrohen 3 biçikleta të dyshuara të vjedhura prej tij dhe një aparat celular.

Nga veprimet hetimore dyshohet se 31-vjeçari, gjatë 3 javëve të fundit, ka kryer 7 vjedhje, në zona të ndryshme të Tiranës. Vjedhjet janë kryer konkretisht:

- Më datë 18.05.2023, në rrugën "Qemal Stafa", ka vjedhur biçikletën e një shtetaseje;

- Më datë 26.05.2023, në rrugën "Don Bosko", ka vjedhur dy biçikleta në pronësi të një shtetasi;

- Më datë 29.05.2023, në rrugën "Nikolla Jorga", ka vjedhur aparatin celular të një shtetasi, ndërsa në rrugën "Jordan Misja", ka vjedhur biçikletën e një shtetasi;

- Më datë 31.05.2023, në rrugën "Kol Xhumari", ka vjedhur biçikletën e një shtetasi; 

- Më datë 01.06.2023, në rrugën "Fadil Rada", ka vjedhur një shumë parash, në një subjekt privat; 

- Më datë 02.06.2023, në rrugën "'Maliq Muço", ka tentuar të vjedhë në një banesë. 

Në cilësinë e provës materiale u sekuestruan 3 biçikleta të dyshuara të vjedhura nga ky shtetas dhe një aparat celular.  

Aktualisht po vijon puna për zbardhjen e vjedhjeve të tjera që mund të jenë kryer nga ky shtetas.  

Ndërkaq, materialet procedurale i kaluan Prokurorisë, për veprime të mëtejshme./ CNA.al





Lajmet e fundit nga