web counter
LEXO PA REKLAMA!

SHKARKO APP

App Store
Google Play

Zelensky: Përgatitje për një takim të ri me palën ruse në Stamboll

3 Gusht 2025, 22:33, Kosova & Bota CNA

Zelensky: Përgatitje për një takim të ri me palën ruse

Presidenti i Ukrainës Volodymyr Zelensky dhe Sekretari i Këshillit të Sigurisë dhe Mbrojtjes Kombëtare Rustem Umerov diskutuan përgatitjet për një takim të ri me palën ruse në Stamboll.

Kreu i shtetit e njoftoi këtë në një postim në ‘Telegram’.

"Së bashku me Sekretarin e NSDC Rustem Umerov dhe Shefin e Zyrës Presidenciale Andriy Yermak, diskutuam rrugën e negociatave - konkretisht, zbatimin e marrëveshjeve të arritura gjatë takimeve me palën ruse në Stamboll, si dhe përgatitjet për një takim të ri",-deklaroi Zelensky.

Presidenti vuri në dukje se ndër çështjet kryesore është vazhdimi i shkëmbimeve të të burgosurve të luftës.

"Ekziston një marrëveshje për shkëmbimin e 1200 personave dhe puna për listat është duke vazhduar. Sekretari i Këshillit të Sigurisë dhe Mbrojtjes Kombëtare raportoi për komunikimin me përfaqësuesin rus. Ne gjithashtu po punojmë për të zhbllokuar kthimin e civilëve tanë dhe po verifikojmë të dhënat për secilin individ",-shtoi Presidenti.

Nga ana tjetër, Andriy Yermak raportoi mbi koordinimin me partnerët kryesorë që mbështesin përpjekjet diplomatike të Ukrainës, në veçanti, kontaktet me palën amerikane dhe mbi përpjekjet për të siguruar kthimin e fëmijëve që u rrëmbyen dhe u çuan në Rusi.

Siç është raportuar më parë nga mediat ukrainase, Presidenti Volodymyr Zelensky deklaroi se Ukraina është gati për një takim në nivelin e krerëve të shteteve nëse Rusia është vërtet e përkushtuar për t'i dhënë fund luftës me dinjitet dhe për të vendosur paqe të qëndrueshme./CNA





Lajmet e fundit nga