web counter
LEXO PA REKLAMA!

SHKARKO APP

App Store
Google Play

Zbardhet vrasja e 14-vjeçares në Shkup/ Babai porositi rrëmbimin e saj për t'i zhvatur para nënës

4 Dhjetor 2023, 12:07, Kosova & Bota CNA
Zbardhet vrasja e 14-vjeçares në Shkup/ Babai porositi
Vanja Gjorçevska

Vrasja e Vanja Gjorçevskës është një vrasje që ka tronditur opinionin publik në Maqedoninë e Veriut dhe jo vetëm. Ministri i Brendshëm, Oliver Spasovski, njoftoi se 5 persona janë përfshirë në këtë vrasje dhe 3 prej të cilëve janë arrestuar. 

Ministri sqaroi se gjatë rrëmbimit të vajzës së mitur është përdorur makina e të moshuarit të vrarë në Veles, derisa viktimat nuk janë njohur me njëri-tjetrin. Ai theksoi se rrëmbimi i vajzës është bërë me informacion paraprak nga babai i saj, pasi ky i fundit ka pasur si qëllim që t'i zhvasë para nënës së saj. 

 

“Edhe pse Maqedonia priti që t’i gjejmë të gjallë, ne dy viktimat i gjetëm të vdekura. Në emër të gjithë MPB-së i shpreh ngushëllime familjes dhe gjithë Maqedonisë. Pesë persona janë të përfshirë në këtë vrasje. Tre personave u është caktuar paraburgim, njëri është në arrati kurse babai i të miturës është ndaluar nga policia, si pjesëmarrës në këto ngjarje duke dhënë informacione për vendin e ndodhjes së vajzës. Tek vrasja e së miturës bëhet fjalë për kushtëzim që të merren para nga nëna e vajzës, dhe kjo është bërë në dijeni të një familjari. Ngjarja e dytë, vrasja e 74-vjeçarit nuk lidhet me vrasjen e së miturës, por vetura e viktimës së parë është shfrytëzuar gjatë kidnapimit të së miturës Vanja Gjorçevska. Kemi informacione se personi i dytë i vrarë, 74 vjeçari është vrarë vetëm pse ka pasur konflikt më herët me një nga të dyshuarit për krimin e kryer. Një prej personave, në marrëveshje dhe në dijeni, sipas konstatimeve fillestare, të një familjari ka organizuar ekzekutimin e krimit, me qëllim zhvatjen e parave nga nëna e të miturës, nga të cilat të gjithë personat e përfshirë do të përfitonin financiarisht”, tha Spasovski./CNA

 





Lajmet e fundit nga