web counter
LEXO PA REKLAMA!

SHKARKO APP

App Store
Google Play

E fundit!

x

Tronditet Maqedonia e Veriut/ Gjenden dy trupa të pajetë, mes tyre një 14-vjeçare e zhdukur një javë më parë

4 Dhjetor 2023, 11:15, Kosova & Bota CNA
Tronditet Maqedonia e Veriut/ Gjenden dy trupa të pajetë, mes tyre
Prokuroria në Shkup

Mbrëmjen e së dielës autoritetet maqedonase kanë njoftuar se kanë gjetur trupin e pajetë të Vanja Gjorçevskas, vajzës 14-vjeçare e cila ishte zhdukur një javë më parë në Shkup.

Këtë vrasje dyshohet e kanë kryer pesë persona, tre prej të cilëve janë arrestuar nga policia dhe janë dërguar në Gjykatën Penale. 

Nga prokuroria e Shkupit kanë bërë të ditur se lidhur me këtë rast, në pyetje po merret edhe babai i vajzës së vrarë, pa dhënë detaje mbi përfshirjen e mundshme të tij në këtë ngjarje.

Prokuroria ka kanë njoftuar se po punohet edhe për gjetjen e një trupi tjetër të pajetë në qytetin e Velesit, i cili besohet të jetë ekzekutuar ditën e njëjtë me 14-vjeçaren.

“Pas masave dhe aktiviteteve të gjithanshme të ndërmarra nga zyrtarët policorë nga Sektori i Punëve të Brendshme në Shkup, më 3 dhjetor trupi i pajetë i të miturës V.G. e cila ishte raportuar e zhdukur më 27.11.2023, është gjetur në rrethinën e Shkupit, ndërsa në afërsi të Velesit, është gjetur edhe trupi i pajetë i P.Zh. (74) nga Velesi, i cili ishte raportuar i zhdukur më 24.11.2023. Në lidhje me dy rastet dyshohen pesë persona, tre prej të cilëve janë ndaluar, një është jashtë shtetit dhe një tjetër po merret në pyetje“, thuhet në njoftimin e prokurorisë.

Sipas organeve policore dhe prokurorisë, motivi për kryerjen e vrasjeve besohet të jetë “përfitimi material“./CNA





Lajmet e fundit nga