LEXO PA REKLAMA!

SHKARKO APP

Vritet komandanti i batalionit të Hamasit

4 Dhjetor 2023, 07:56, Kosova & Bota CNA

Vritet komandanti i batalionit të Hamasit

Izraeli ka vrarë komandantin e Batalionit Shati të Hamasit, të quajtur Haitham Khuwajari.

Lajmin e kanë konfirmuar Forcat Mbrojtëse të Izraelit (IDF), të cilat thanë se komandati i batalionit të Hamasit u vra nga një sulm ajror të dielën.

Në një konferencë për shtyp, zëdhënësi i IDF-së, Daniel Hagari tha se komandanti ishte përgjegjës për kryerjen e bastisjeve në territorin izraelit në sulmin e 7 tetorit.

"Një avion luftarak i IDF-së goditi dhe vrau Haitham Khuwajari, komandantin e Batalionit Shati të Hamasit. Nën komandën e tij, terroristët e Hamasit kryen bastisje në territorin izraelit më 7 tetor gjatë pushtimit dhe masakrës në Izraelin jugor", thanë në një deklaratë të përbashkët IDF dhe Agjencia e Sigurisë së Izraelit.

Sipas tyre, Khuwajarai "ishte në komandë të forcave të Hamasit që luftonin kundër ushtarëve izraelitë në zonën e Shatit".

IDF mori kontrollin e kampit të refugjatëve Al-Shati të vendosur në rripin verior të Gazës në mes të nëntorit.

Ushtria izraelite thotë se ata "do të vazhdojnë të ndjekin vendndodhjen dhe të eliminojnë secilin nga komandantët që komandojnë zonën nën kontrollin e tyre"./ CNA

Vritet komandanti i batalionit të Hamasit

Lajmet e fundit nga