LEXO PA REKLAMA!

SHKARKO APP

Rritet numri i viktimave nga lufta me Hamasin/ Izraeli, drejt Gazës jugore

4 Dhjetor 2023, 07:27, Kosova & Bota CNA

Rritet numri i viktimave nga lufta me Hamasin/ Izraeli, drejt Gazës jugore

Më 7 tetor Hamasi kreu disa sulme mbi Izraelin, nga të cilat u vranë 1200 njerëz dhe qindra të tjerë u morën peng.

Izraeli iu përgjigj me kundërsulme të njëpasnjëshme, ndërsa disa ditë më parë u arrit një marrëveshje armëpushimi, e cila u thye.

Pas armëpushimit, luftimet kanë qenë edhe më të ashpra, duke rritur kështu edhe bilancin e viktimave.

Gjithashtu, sulme ka pasur edhe nga ana e Hamasit mbi Tel Avivin.

Ministria e Shëndetësisë e drejtuar nga Hamasi thotë se në Gaza kanë humbur jetën më shumë se 15,500 njerëz, nga të cilët rreth 6 mijë janë fëmijë.

Nga ana tjetër, raportohet se Izraeli ka zgjeruar luftimet duke shtyrë trupat ushtarake drejt Gazës jugore. Kjo është konfirmuar nga vetë ushtria izraelite, e cila më parë kërkoi evakuim të banorëve.

Kryeministri izraelit, Benjamin Netanyahu, ka deklaruar se lufta nuk do të ndalet derisa Hamasi të shkatërrohet plotësisht./ CNA

 

Lajmet e fundit nga