web counter
LEXO PA REKLAMA!

SHKARKO APP

App Store
Google Play

Vrasja e Liridonës/ Drejtori i burgjeve në Kosovë: 4 të dyshuarit ndodhen në institucione të ndryshme

23 Dhjetor 2023, 12:23, Kosova & Bota CNA

Vrasja e Liridonës/ Drejtori i burgjeve në Kosovë: 4 të

Drejtori i Burgjeve të Kosovës, Ismail Dibrani ka dalë në një deklaratë për vrasjen e Liridona Ademajt.

Ai ka bërë me dije se katër të dyshuarit për vrasjen e Liridonës po qëndrojnë në katër institucione të ndryshme.

Sipas tij të dyshuarit nuk kanë pasur mundësi të komunikojnë me njëri-tjetrin gjatë qëndrimit në burg.

“Në asnjë rrethanë, në asnjë moment, personat që janë të njëjtës vepër nuk vendosen në të njëjtën dhomë. Mund të vendosen në të njëjtin burg por natyrisht edhe rutinat edhe shëtitjet duhet të organizohen në mënyrë që ata mos të kenë kontakt njëri me tjetrin. Njëjtë, për shkak të situatës së rëndë dhe debatit që është zhvilluar pothuajse në të gjitha mediat në Kosovë, ne fillimisht i kemi vendosur sepse vepra e tyre ka qenë e rëndë dhe është dashur që ata të vendosën në Burgun e Sigurisë së Lartë. Si rezultat i kësaj ata vlerësohen me rrezikshmëri shumë të lartë deri në takimin e komisionit për kategorizim, komision i cili vendos për të ardhmen se si ata do të trajtohen. Por duke marrë parasysh debatin që është zhvilluar në opinion dhe rasti tashmë kishte marrë përmasat edhe jashtë Kosovës, ne është dashur në konsultim me Prokurorin e Shtetit që t’i shpërndajmë në institucione të ndryshme”, deklaron ai.

Sipas tij personi i katërt, i cili dyshohet që ka furnizuar me armën e krimit Naim Murselin dhe Granit Plavën, Dibrani është dërguar në burg tjetër.

“Në katër institucione të ndryshme, në Burgun e Sigurisë së Lartë, në Burgun e Prishtinës, në Qendrat e Paraburgimit në Gjilan dhe në Qendrën e Paraburgimit në Pejë”, janë vendosur katër të dyshuarit”, shtoi Dibrani.

Liridona Ademaj u vra  më 29 nëntor 2023 në rrugën “Dalip Alshiqi” në Prishtinë të Kosovës./ CNA





Lajmet e fundit nga