web counter
LEXO PA REKLAMA!

SHKARKO APP

App Store
Google Play

“Jemi të shqetësuar”/ Familja e Liridona Ademajt i drejton shkresë Prokurorisë

20 Dhjetor 2023, 21:10, Kosova & Bota CNA
“Jemi të shqetësuar”/ Familja e Liridona Ademajt i drejton
Liridona Ademaj

Familja e Liridona Ademajt i është drejtuar më një kërkesë Prokurorisë për tu informuar me rastin e vrasjes së 30-vjeçares që u ekzekutua në një sulm të inskenuar nga bashkëshorti i saj.

Përmes shkresës ata shprehen të shqetësuar që deri në këto momente prokuroria nuk i ka kontaktuar dhe nuk iu është komunikuar se kush do të jetë prokurori që do të merret me rastin e Liridona Ademajt.

Familjarët sqarojnë se nuk kërkojnë qasje në informacione konfidenciale por kërkojnë të jenë të informuar sipas asaj që thotë ligji.

 “Ju njoftojmë se sapo i jemi drejtuar prokurorisë për një takim urgjent që të informohemi rreth rastit të vrasjes së më të dashurës tonë Liridona Ademaj. Ne jemi thellësisht falënderues për punën e bërë deri më tani nga policia dhe prokuroria. Mirëpo, jemi të shqetësuar që deri më tani prokuroria nuk ka kontaktuar fare me neve. Ne ende zyrtarisht nuk jemi informuar se kush është prokuror i rastit dhe informacionet e vetme i kemi nga raportimet në media. Ne duam të sqarojmë që nuk kërkojmë qasje në informacione konfidenciale mirëpo kërkojmë që si familjarë të jemi të informuar, e drejtë kjo e garantuar ligjërisht”, thuhet në kërkesën e familjes Ademaj./ CNA





Lajmet e fundit nga