web counter
LEXO PA REKLAMA!

SHKARKO APP

App Store
Google Play

E fundit!

x

"Urime Kurtit për rizgjedhjen si kryeministër"/ SHBA dhe OSBE reagojnë për qeverinë e re në Kosovë

12 Shkurt 2026, 16:40, Kosova & Bota CNA

"Urime Kurtit për rizgjedhjen si kryeministër"/ SHBA dhe

Ambasada amerikane në Prishtinë ka reaguar lidhur me konstituimin e Kuvendit dhe formimin e qeverisë së në Kosovë. Në reagimin e ambasadës thuhet se presin të punojnë me qeverinë e re për të çuar përpara prioritetet e përbashkëta, përfshirë këtu paqen rajonale, stabilitetin dhe prosperitetin e ndërsjellë ekonomik.

“Ambasada e SHBA-së mirëpret formimin e kuvendit dhe qeverisë së Kosovës. Ne mezi presim të punojmë me qeverinë e re për të çuar përpara prioritetet e përbashkëta, duke përfshirë paqen rajonale, stabilitetin dhe prosperitetin e ndërsjellë ekonomik”, thuhet në reagim.

Misioni i OSBE-së në Kosovë po ashtu ka përgëzuar qeverinë e re dhe ka shprehur urimet Albin Kurtit për rizgjedhjen e tij si kryeministër. Misioni i OSBE-së ka vlerësuar bashkëpunimin e fortë të ndërtuar me institucionet e Kosovës në të gjitha komunitetet

“Misioni i OSBE-së përgëzon Qeverinë e re të Kosovës për zgjedhjen e saj dhe i shpreh urimet e sinqerta Albin KurtiT për riemërimin e tij si Kryeministër. Gjithashtu e përgëzojmë Albulena Haxhiupër zgjedhjen e saj si Kryetare e Kuvendit të Kosovës. Misioni i OSBE-së vlerëson bashkëpunimin e fortë dhe të qëndrueshëm që ka ndërtuar gjatë viteve me institucionet e Kosovës në të gjitha komunitetet. Ne mbetemi të përkushtuar ndaj këtij partneriteti të ngushtë në periudhën në vijim, duke punuar së bashku në mbështetje të qeverisjes demokratike, sundimit të ligjit, mbrojtjes së të drejtave të njeriut dhe mirëqenies së të gjithë njerëzve në Kosovë. Ne i urojmë Qeverisë së re çdo sukses dhe mezi presim të vazhdojmë bashkëpunimin tonë konstruktiv në të mirë të të gjitha komuniteteve në Kosovë”, thuhet në reagim.

Kujtojmë se mbrëmjen e djeshme deputetët e dalë nga zgjedhjet e 28 dhjetorit, zgjodhën Albulena Haxhiun si kryeparlamentare dhe po ashtu zgjodhën edhe pesë nënkryetarët. Pas konstituimit të Kuvendit, me 66 vota pro u votua dhe qeveria e re e Kosovës, me kryeministër Albin Kurtin. /CNA





Lajmet e fundit nga