web counter
LEXO PA REKLAMA!

SHKARKO APP

App Store
Google Play

Seanca për votimin e qeverisë së re/ Kurti: Kosova është sot vendi më demokratik në rajon

11 Shkurt 2026, 21:32, Kosova & Bota CNA

Seanca për votimin e qeverisë së re/ Kurti: Kosova

I mandatuari për formimin e qeverisë së re, Albin Kurti ka mbajtur fjalën e tij në seancën në Kuvend. Kurti tha se gjatë mandateve të qeverisjes së tij, Kosova ka pasur rritjen më të lartë ekonomike dhe është vendi më demokratik në rajon.

Ndër të tjera, tha se pavarësisht sulmeve dhe provokimeve të Serbisë, policia dhe ushtria e Kosovës kanë ardhur vetëm duke u forcuar. Ai ndau edhe disa nga synimet e qeverisë së tij për mandatin e ardhshëm.

“Kemi ndërtuar dhe zhvilluar një Kosovë më të fortë. Kemi pasur rritjene më të lartë ekonomike në rajon. Sfidën  einflacionit kemi arrtiru ta menoaxhojmë me poolitika mbështetëse për qytetarët. Jemi vendin me shkallën më të ulët të inflacionit në rajon pas Shqipërisë. Kemi arritur të kemi një rritje të pagave, e cila do të vijojë edhe në mandatin e ardhshëm. Qeveria ka mbajtur mbi 200 mbledhje fizike dhe online. Kemi dëshmuar vendimmarrje me theks të veçantë në reformat ligjore. Është përmirësuar imazhi i vendit për rendin. Sot jemi vendi më demokratik në rajon. Kjo është një arritje e shoqërisë dhe institucioneve tona. Gjatë këtyre viteve jemi përballur me provokime dhe sulme të Serbisë, por ne vetëm e kemi forcuar policinë dhe sundimin e ligjit dhe kemi fuqizuar ushtrinë e vendit. Kemi përballuar çdo sfidë më sukses. Kosova sot është më demokratike se kurrë më parë. Kosova është e rreshtuar në aleancën e paqes. Aleanca jonë me SHBA dhe vendet e tjera aleate nuk do të lëkundet. Kosova është pjesë e vlerave demokratike të Europës. Në mandatin e ardhshëm do të investojmë 1 miliardë euro në mbrojtje. Do të prodhojmë dronët “Made in Kosova”. Do vazhdojmë të mbështesim Procesin e Berlinit. Normalizimin e marrëdhënieve me Serbinë do ta ndjekim përmes dialogut. Qeveria jonë do të mbrojë dhe zbatojë Kushtetutën  eligjet në fuqi në çdo cep të vendit”, tha Kurti.  /CNA





Lajmet e fundit nga