web counter
LEXO PA REKLAMA!

SHKARKO APP

App Store
Google Play

Gjyqi në Hagë/ Avokati i Thaçit: Nuk ka prova se ka ekzistuar ndërmarrje e përbashkët kriminale

11 Shkurt 2026, 11:13, Kosova & Bota CNA

Gjyqi në Hagë/ Avokati i Thaçit: Nuk ka prova se ka ekzistuar

Avokati i Hashim Thaçit, Luka Misetic, në parashtrimin e argumenteve ditën e sotme në gjyqin në Hagë, është ndalur tek argumentet e ZPS-së për ndërmarrje të përbashkët kriminale.

Avokati Luka Misetic deklaroi se nuk ka prova apo dokumente ku tregohet se është rënë dakord për këtë organizatë. Më tej, avokati tha se asnjë dëshmitar nuk ka folur për ekzistencën e kësaj ndërmarrjeje.

Mbrojtja e Thaçit u shpreh se në lidhje me ndërmarrjen e përbashkët kriminale që pretendohet, prokuroria nuk ka bërë asnjë pyetje ndaj asnjë dëshmitari.

Avokati Misetic tha se në një pjesë të madhe të kohës që i referohet aktakuza, Hashim Thaçi nuk ka qenë fare në Kosovë. Fakt të cilin Prokuroria Speciale përpiqet ta anashkalojë.

“Nuk ka pasur prova të takimeve ku është diskutuar ky synim, dokumente shkresore që të tregohet se është rënë dakord apo është diskutuar ky synim, nuk ka dhënë dëshmi asnjë dëshmitar lidhur me ekzistencën e këtij synimi. Në fakt, secili prej dëshmitarëve që e ka pasur mundësinë të flasë për këtë çështje, e ka hedhur poshtë teorinë e ZPS-së, dhe për më keq, ZPS-ja nuk i ka bërë pyetje asnjë dëshmitari.

Prokuroria përpiqet që ta anashkalojë problemin e mungesës së zotit Thaçi në Kosovë, duke argumentuar se anëtarë të Shtabit të Përgjithshëm janë konsultuar përmes telefonit apo janë njoftuar më pas lidhur me rezultatet e takimeve të Shtabit të Përgjithshëm”, tha avokati./CNA





Lajmet e fundit nga