web counter
LEXO PA REKLAMA!

SHKARKO APP

App Store
Google Play

Gjyqi ndaj ish-krerëve të UÇK-së/ Avokati i Thaçit: Prokuroria i bëri shtrembërime dosjes së vet

11 Shkurt 2026, 14:58, Kosova & Bota CNA

Gjyqi ndaj ish-krerëve të UÇK-së/ Avokati i Thaçit:

Avokati i Hashim Thaçit, Luka Misetic, në fjalën e mbajtur në seancën e sotme në Hagë, tha se nuk është i vërtetë pretendimi i Prokurorisë se Shtabi i Përgjithshëm i UÇK-së, në verën e vitit 1998, ka refuzuar në çdo mënyrë të mundshme “me zjarr” qeverinë e zgjedhur të Lidhjes Demokratike të Kosovës dhe që ndërmorën hapa për të krijuar “një qeveri të re”.

Sa i përket pretendimit se UÇK-ja mori hapa për të krijuar një qeveri të re, avokati tha se deklarata e cituar trajton institucionet e reja në kuadër të negociatave.

Misetic tha se deklarata nuk pretendonte që UÇK-ja po krijonte një qeveri të re.

 

“Duhet të theksojmë që kjo është e pasaktë, faktikisht dhe juridikisht. Nuk ka ekzistuar një qeveri e zgjedhur e LDK-së, s’ka pasur zgjedhje dhe s’ka pasur qeveri të LDK-së. LDK-ja ka qenë parti politike, një grup joshtetëror dhe të ashtuquajturat zgjedhjet që ka mbajtur, kanë qenë zgjedhje joshtetërore. Madje, qeveria e Bujar Bukoshit, as nuk ka qenë në Kosovë, ka qenë një qeveri e ashtuquajtur 'në mërgim'. LDK-ja nuk kishte më shumë legjitimitet sesa UÇK-ja për të pretenduar autoritetin që pretendonin.

Për këtë Prokuroria citon deklaratën politike me numër shtatë. Por, është e qartë se ajo deklaratë politike trajton çështjen e krijimit të institucioneve të reja në kuadër të negociatave që do të mbaheshin me Serbinë dhe ndërmjetësoheshin nga ambasadori [Christopher] Hill. Deklarata nuk pretendonte se UÇK-ja po krijonte një qeveri të re në vetvete dhe do ta përjashtonte LDK-në”, tha avokati.





Lajmet e fundit nga