web counter
LEXO PA REKLAMA!

SHKARKO APP

App Store
Google Play

E fundit!

x

Seanca në Hagë/ Avokati i Kadri Veselit: Nuk ekziston asnjë provë kundër tij

11 Shkurt 2026, 17:21, Kosova & Bota CNA

Seanca në Hagë/ Avokati i Kadri Veselit: Nuk ekziston asnjë

Në seancën gjyqësorë në Hagë, pas mbrojtjes së ish-presidentit të Kososvës, Hashim Thaçit, ka marrë fjalën Rodney Dixon, avokati i ish-kryeparlamentarit, Kadri Veseli. Gjatë fjalës së tij, Dixon është shprehur se ndaj Veselit nuk ka asnjë provë për kryerjen e ndonjë vepre penale nga ana e tij.

Avokati është shprehur më tej se Veseli ishte student kur iu bashkua UÇK-së dhe ishte anëtar i përkushtuar i saj. Më tej ka shtuar se Veseli luftoi për lirinë e Kosovës dhe kjo gjë nuk është krim.

Sipas tij, Zyra e Prokurorit të Specializuar nuk ka asnjë provë kundër Veselit dhe asnjë dëshmitar nuk e ka përmendur atë, madje nuk e kanë njohur Veselin.

“Provat tregojnë se ai ka punuar në UÇK që të parandalonte civilët e Kosovës të ndëshkoheshin, të shënjestroheshin. Këtë e ka bërë me komunitetin diplomatik, në fushën e zbulimit”, tha Dixon, sipas REL.

Dixon po ashtu argumentoi se për periudha të gjata, që mbulohen në aktakuzë, Veseli nuk gjendej në Kosovë.

“ZPS-ja mund të argumentojë deri sa të vie fundi i botës nëse dëshiron se kanë prova kundër Veselit, por kjo nuk ndryshon që ju të nderuar gjykatës mund ta shihni tani që në fakt është një çështje e dobët kundër tij. Madje, është pikërisht mosekzistenca e provave. ZPS-ja ndjek të kotën”, tha avokati. /CNA





Lajmet e fundit nga