web counter
LEXO PA REKLAMA!

SHKARKO APP

App Store
Google Play

E fundit!

x

Formimi i qeverisë së re/ Kreu i PDK-së, thirrje për unitet politik për procesin gjyqësor në Hagë

11 Shkurt 2026, 22:15, Kosova & Bota CNA

Formimi i qeverisë së re/ Kreu i PDK-së, thirrje për unitet

Kreu i Partisë Demokratike të Kosovës, Bedri Hamza ka mbajtur fjalën e tij në seancën për formimin e qeverisë së re në Kosovë.

Hamza u shpreh se legjislatura e dhjetë fillon punën në një moment të rëndësishëm për vendin, kur qytetarët presin stabilitet politik, zhvillim ekonomik dhe institucione me integritet të lartë profesional.

“Është nder dhe përgjegjësi e madhe që sot të fillojmë punën në këtë legjislaturë, në një moment kur qytetarët presin stabilitet, zhvillim ekonomik dhe institucione që punojnë me integritet dhe profesionalizëm, duke respektuar trashëgiminë e demokracisë dhe lirisë, e cila këto ditë po mbrohet edhe në gjykimin e themeluesve të Ushtrisë Çlirimtare të Kosovës", tha Hamza. 

Ai u shpreh se PDK-ja do të jetë mbrojtëse e Kushtetutës, ndërsa bëri thirrje për unitet institucional dhe politik lidhur me procesin gjyqësor në Hagë, duke kërkuar qasje dinjitoze, të matur dhe unifikuese ndaj ish-krerëve të UÇK-së.

“Kjo seancë themeltare e legjislaturës së dhjetë është dëshmi e rrugës së vështirë që ka kaluar Kosova për të ndërtuar shtetin dhe demokracinë e saj. Sot detyra jonë është që këtë shtet ta forcojmë më tej përmes mbrojtjes së të vërtetës dhe drejtësisë në Hagë, si një temë që sot dominon vëmendjen dhe ndërgjegjen e kujtdo që respekton luftën për liri dhe pavarësi”, tha ai.

Hamza shtoi se PDK do të mbështesë çdo iniciativë që është në interes të qytetarëve dhe të shtetit.

“Përkrahja për konsensus nuk është shenjë dobësie, por përgjegjësi shtetërore. Ne do të japim kontributin tonë për marrëveshje në të mirë të Kosovës, por pa bërë kompromis me interesin shtetëror”, tha kreu i PDK-së. /CNA





Lajmet e fundit nga