web counter
LEXO PA REKLAMA!

SHKARKO APP

App Store
Google Play

E fundit!

x

Dhoma e Përfaqësuesve të SHBA-së voton për të përmbysur tarifat ndaj Kanadasë

12 Shkurt 2026, 07:53, Kosova & Bota CNA

Dhoma e Përfaqësuesve të SHBA-së voton për të

Dhoma e Përfaqësuesve e SHBA-së ka votuar për të anuluar tarifat e vendosura nga Presidenti i SHBA-së, Donald Trump, mbi mallrat kanadeze.

Me një votim 219 pro dhe 211 kundër, gjashtë ligjvënës republikanë iu bashkuan demokratëve për të mbështetur një rezolutë që kërkon t'u japë fund tarifave që Trump i vendosi Kanadasë vitin e kaluar.

Vota është kryesisht simbolike pasi do të duhet të miratohet nga Senati i SHBA-së dhe më pas nga Trump, i cili ka shumë pak gjasa ta nënshkruajë atë për ta bërë ligj.

Që nga rizgjedhja e tij, Donald Trump ka vendosur një sërë tarifash ndaj Kanadasë, duke kërcënuar së fundmi me një taksë prej 100% të importit në përgjigje të marrëveshjes tregtare të propozuar të Kanadasë me Kinën.

Ndërsa votimi po zhvillohej në Dhomën e Përfaqësuesve, Trump postoi në Truth Social: “Çdo republikan, në Dhomën e Përfaqësuesve apo në Senat, që voton kundër tarfave do të vuajë seriozisht pasojat në kohën e zgjedhjeve”.

"Tarifat na kanë dhënë Siguri Ekonomike dhe Kombëtare, dhe asnjë republikan nuk duhet të jetë përgjegjës për shkatërrimin e këtij privilegji”, shtoi ai.

Votimi erdhi pasi kryetari i Dhomës së Përfaqësuesve të SHBA-së, Mike Johnson, një aleat i Trump-it në Kongres, u përpoq pa sukses të bllokonte diskutimin në sallën e dhomës nga ligjvënësit mbi tarifat e Trump.

Me republikanët që mbajnë një shumicë të hollë në Dhomën e Përfaqësuesve të SHBA-së, largimet e gjashtë republikanëve së bashku me një front pothuajse të bashkuar nga demokratët ishin të mjaftueshme për të siguruar votat./CNA, përkthyer nga "BBC"





Lajmet e fundit nga