web counter
LEXO PA REKLAMA!

SHKARKO APP

App Store
Google Play

Seanca në Hagë/ Avokati i Rexhep Selimit: Është i pafajshëm, ZPS nuk ka provuar asnjë krim të pretenduar ndaj tij

12 Shkurt 2026, 16:00, Kosova & Bota CNA

Seanca në Hagë/ Avokati i Rexhep Selimit: Është i

Sot është dita e katërt e deklaratave përmbyllëse në gjyqin kundër ish-presidentit të Kosovës, Hashim Thaçi, ish-kryeparlamentarëve, Kadri Veseli dhe Jakup Krasniqi, dhe ish-deputetit, Rexhep Selimi në Gjykatën Speciale, në Hagë.

Avokati i Selimit, Geoffrey Roberts, në nisje të fjalës së tij u shpreh se ish-deputeti është i pafajshëm dhe se Zyra e Prokurorit të Specializuar (ZPS), nuk ka arritur të vërtetojë asnjë nga krimet në ngarkim të tij.

“Selimi është tërësisht i pafajshëm për të gjitha krimet në aktakuzë. ZPS-ja thjesht nuk ka arritur të provojë asnjë prej këtyre krimeve të pretenduara. Kaq është dhe ky është qëndrimi ynë”, është shprehur avokati.

Ai shtoi ndër të tjera se të akuzuarit së bashku me anëtarët e tjerë të asaj që e ZPS e cilëson si ndërmarrje të përbashkët kriminale kishin për qëllim marrjen nën kontroll të Kosovës dhe largimin e kundërshtarëve.

“Në vetvete qëllimi për marrjen nën kontroll Kosovën nuk është kriminal, por mënyrë për t’i dhënë fund shtypjes së Millosheviçit. Duhet të konstatoni se ka pasur një pajtim për krimet e pretenduara. Çështja e objektivit jokriminal, teoria e Prokurorisë është se ky ishte qëllimi kryesor i të akuzuarve dhe jo çlirimi i popullit të tyre, por vetëm synim për të marrë pushtet në mënyrë egoiste”, tha Roberts, sipas REL.

Ish-liderët e UÇK-së, akuzohen për krime lufte dhe krime kundër njerëzimit, për të cilat të katërt janë deklaruar të pafajshëm. Kujtojmë gjithashtu se Prokuroria e Hagës ka kërkuar 45 vjet burg për secilin nga ish-krerët e UÇK-së. /CNA





Lajmet e fundit nga