LEXO PA REKLAMA!

SHKARKO APP

Trazirat në Spanjë/ Akuzat kundër gruas së Sanchez, mund të jenë të rreme

25 Prill 2024, 16:43, Kosova & Bota CNA

Trazirat në Spanjë/ Akuzat kundër gruas së Sanchez, mund

Sekretari i përgjithshëm i "Manos Limpias", organizatës që ka ngritur kallëzim penal ndaj bashkëshortes së kryeministrit të Spanjës, Pedro Sanchez, ka pranuar se ka mundësi që akuza e tij të jetë bazuar në informacione të rreme të publikuara në mediat online.

Në një deklaratë të lëshuar të enjten, Miguel Bernard mbrojti veprimet e tij. Megjithatë, ai pretendon se ishte i kufizuar në "sjelljen në vëmendje të gjykatës" një "seri informacioni" që ishte botuar nga "gazeta të ndryshme dixhitale" në lidhje me "parregullsitë e supozuara".

Është detyrë e hetuesit të verifikojë nëse ky informacion është i vërtetë apo jo, pretendon organizata, e cila natyrisht kërkon vazhdimin e hetimeve gjyqësore në rast se ka të vërteta.

Megjithatë, akuzat ndaj Begonia Gomet tashmë janë duke u hetuar nga gjykatat dhe kanë shkaktuar bujë politike në Spanjë pasi dje Pedro Sanchez tha se do të abstenojë nga ngjarjet deri të hënën kur do të njoftojë nëse do të japë dorëheqjen apo do të qëndrojë në detyrë.

Në deklaratën e tij të postuar dje në X, Sanchez thekson se akuzat ndaj gruas së tij janë të rreme.

Media spanjolle shton gjithashtu se organizata, emri i së cilës do të thotë "Duar të pastra", ka një histori të gjatë akuzash, që në fund rezultojnë të pabaza./ CNA

Lajmet e fundit nga