web counter
LEXO PA REKLAMA!

SHKARKO APP

App Store
Google Play

Shkelën rregulloren digjitale të Europës/ Komisioni i BE-së paralajmëron ‘Alphabet’ dhe ‘Apple’

19 Mars 2025, 18:45, Kosova & Bota CNA

Shkelën rregulloren digjitale të Europës/ Komisioni i BE-së

Komisioni i BE-së i ka rezistuar presionit për të mbrojtur gjigantët e teknologjisë amerikane, pas konstatimit se pronarët e Google dhe iPhone po shkelin Aktin e Tregut Digjital.

Një vit pas nisjes së një hetimi, Komisioni ka arritur në përfundimin se dështimi i rrjetit ‘Alphabet’ për të lejuar zhvilluesit të drejtojnë konsumatorët jashtë dyqaneve të aplikacioneve të tij drejt ofertave të tjera, do të thotë se nuk është në përputhje me Aktin e Tregut Digjital (DMA).

Sipas Komisionit, gjigandi amerikan nuk lejon asnjë formë komunikimi midis zhvilluesve dhe konsumatorëve dhe bën konsumatorët që të largohen nga mjedisi i ‘Alphabet’ me një mesazh paralajmërues.

Në një hetim të veçantë, ekzekutivi i BE-së zbuloi se Google po preferonte vetë shërbimet e tij si blerjet, hotelet dhe udhëtimet, duke i dhënë përparësi ofertave të veta në rezultatet e kërkimit mbi shërbimet e palëve të treta, gjë që është e ndaluar nga DMA.

Nëse ‘Alphabet’ nuk u përmbahet gjetjeve të Komisionit duke ofruar një zgjidhje përputhshmërie, rrezikon një gjobë deri në 10% të xhiros globale vjetore.

Në një vendim të veçantë të mërkurën, Komisioni i dha kompanisë ‘Apple’ dy vjet për të mundësuar funksionimin e pajisjeve nga markat e tjera me iPhone-ët e tij që të jenë në përputhje me DMA./CNA





Lajmet e fundit nga