web counter
LEXO PA REKLAMA!

SHKARKO APP

App Store
Google Play

Mbytet anija me emigrantë në Lampedusa/ Regjistrohen viktima dhe 40 të zhdukur

19 Mars 2025, 11:41, Kosova & Bota CNA

Mbytet anija me emigrantë në Lampedusa/ Regjistrohen viktima dhe 40

Gjashtë persona humbën jetën dhe 40 të tjerë u raportuan të zhdukur pasi një anije me emigrantë u mbyt në ishullin italian të Lampedusas në Itali. Lajmi u bë me dije nga mediat kombëtare italiane këtë të mërkurë.

Chiara Cardoletti, përfaqësuesja e Italisë në Zyrën e Komisionerit të Lartë të Kombeve të Bashkuara për Refugjatët (UNHCR), tha në postim në rrjetin “X” se varka e tejmbushur ishte larguar të hënën nga Tunizia me 56 persona.

"Pas disa orësh lundrimi, gomonja filloi të shfryhej dhe të merrte ujë. Gjashtë trupa u gjetën, ka 40 të zhdukur,"-tha ajo.

Thuhet se gomonia u gjet pjesërisht e shfryrë në daljen e vogël shkëmbore të Lampione, në perëndim të Lampedusas.

Autoritetet e rojes bregdetare të Italisë kanë ndihmuar 10 persona, gjashtë burra dhe katër gra, dhe janë duke pastruar zonën për të mbijetuar, tha një zëdhënës i UNHCR-së për AFP.

Emigrantët ishin nga Bregu i Fildishtë, Mali, Gambia dhe Kameruni.

Rreth 8,743 emigrantë kanë mbërritur në Itali deri më tani këtë vit, sipas Ministrisë së Brendshme të Italisë./CNA

 





Lajmet e fundit nga