web counter
LEXO PA REKLAMA!

SHKARKO APP

App Store
Google Play

Fati i luftës Rusi-Ukrainë/ Priten bisedime mes Trump dhe Putin

16 Mars 2025, 22:06, Kosova & Bota CNA

Fati i luftës Rusi-Ukrainë/ Priten bisedime mes Trump dhe Putin

Presidenti i SHBA-ve, Donald Trump pritet të zhvillojë një bisedë këtë javë me homologun e tij rus, Vladimir Putin, për mënyrat e përfundimit të luftës 3-vjeçare në Ukrainë, këtë lajm e ka bërë me dije i dërguari i SHBA-ve, Steve Witkoff.

"Unë pres që do të ketë një telefonatë mes të dy presidentëve këtë javë, dhe ne po vazhdojmë të angazhohemi dhe të bisedojmë me ukrainasit," tha Witkoff, i cili u takua me Putinin mbrëmjen e të enjtes.
Trump po kërkon një armëpushim 30-ditor, të cilin Ukraina e pranoi javën e kaluar.
Trump është shprehur në një postim në rrjetet sociale se kishte "një mundësi shumë të mirë që kjo luftë e tmerrshme dhe e përgjakshme të përfundojë." Ai gjithashtu tha se kishte "kërkuar fuqishëm" që Putin të mos vrasë më ushtarë ukrainas, të cilët Rusia po i shtyn jashtë Kurskut.

Nga ana tjetër, presidenti rus Vladimir Putin ka thënë se do të pranonte kërkesën e Trump për të shpëtuar jetët e ushtarëve ukrainas, por nëse ata dorëzoheshin. Kremlini shprehet optimist se mund të arrihet një marrëveshje për të përfunduar konfliktin. E ndërkohë sulmet ajrore gjatë fundjavës, mes Ukrainës dhe Rusisë nuk janë ndalur./ CNA

 





Lajmet e fundit nga