web counter
LEXO PA REKLAMA!

SHKARKO APP

App Store
Google Play

Zjarri në klubin e natës “trazon” Maqedoninë e Veriut/ Nisin hetimet për shkaqet e tragjedisë

16 Mars 2025, 09:17, Kosova & Bota CNA
Zjarri në klubin e natës “trazon” Maqedoninë e
Pamje nga vendi i ngjarjes tragjike


Një tragjedi e rëndë ka ndodhur në Maqedoninë e Veriut, ku 50 persona kanë humbur jetën dhe shumë të tjerë janë plagosur pas shpërthimit të një zjarri në një klub nate të mbushur me rreth 1500 të rinj.

Ngjarja ka ndodhur gjatë një feste, kur zjarri ka shpërthyer, duke shkaktuar kaos dhe panik tek të rinjtë. Sipas raportimeve të mediave lokale, dyshohet se shkaku i shpërthimit të flakëve ka qenë përdorimi i mjeteve piroteknike gjatë një performance muzikore të bendit maqedonas DNA.

Në vendin e ngjarjes kanë arritur menjëherë ekipet e zjarrfikësve, ambulanca dhe autoritetet policore, por fatkeqësisht, shumica e viktimave kanë pësuar dëmtime të rënda dhe nuk kanë mundur të shpëtojnë.

Autoritetet maqedonase kanë nisur hetimet për të zbuluar shkaqet e sakta të zjarrit, por dyshohet se përdorimi i lëndëve piroteknike brenda ambienteve të ngushta të klubit ka shkaktuar shpërthimin. Prokuroria e Koçanit ka njoftuar se disa persona, të cilët kanë organizuar festën dhe menaxhuar sigurinë e klubit, janë arrestuar dhe do të hetohen për përgjegjësinë e ngjarjes tragjike.

Në lidhje me të plagosurit, ata janë transportuar menjëherë në spitalet në Shtip dhe Shkup, ku po marrin trajtim mjeksor. Autoritetet janë angazhuar për të ofruar ndihmë dhe mbështetje për të mbijetuarit dhe familjet e viktimave./CNA





Lajmet e fundit nga