web counter
LEXO PA REKLAMA!

SHKARKO APP

App Store
Google Play

E fundit!

x

Pse nisën protestat në Serbi?

15 Mars 2025, 10:23, Kosova & Bota CNA

Pse nisën protestat në Serbi?

Aktivistja serbe, Aleksandra Tomanic, në podkastin "Public Square" me Ditmir Bushatin ka folur për protestat në Serbi.

Tomanic rrëfeu arsyen e pikënisjes së protestave në Serbi, të cilat sipas saj u aktivizuan me rastin tragjik të rënies së strehës së stacionit hekurudhor nga i cili humbën jetën 15 persona.

Qytetarët pas kësaj ngjarje u mblodhën në Novi Sad ku u arrestua një student dhe më pas nisën bllokadat edhe në universitete të tjera.

Sipas Tomanic, studentët nuk e quajnë një tragjedi ngjarjen në Novi Sad, por një vrasje sepse është dështimi i institucioneve, është korrupsioni në nivele të larta të politikës që çuan në këto vdekje.

“Kjo pyetje është gjithçka vetëm jo e thjeshtë, siç e dini dhe vetë ju. Ekzistojnë dy anë. Së pari, është pikënisja, pse tani? Dhe pikënisja ishte rënia e strehës së stacionit hekurudhor. Streha ishte pjesë e çatisë së stacionit hekurudhor dhe ajo ra më 1 nëntor duke vrarë 15 njerëz.

Kjo ishte një tronditje e madhe për të gjithë shoqërinë sepse ai stacion hekurudhor sapo ishte rinovuar dhe ishte inauguruar nga politikanët më të lartë, dy herë madje vitin e kaluar dhe më pas vrau 15 njerëz.

Ti shikon se ne jetojmë në një vend ku po ndërtojmë rrugë, infrastrukturë, ku ne jemi ndërtuesit e mëdhenj dhe më pas kupton se e gjitha kjo është e paqëndrueshme saqë la një efekt të madh. Njerëzit filluan të bashkoheshin të dëshpëruar dhe me lot në sy nga Novi Sadi që është qytet shumë i madh. Novi Sad nuk është më i njëjti qytet që prej 1 nëntorit.

Regjimi nuk kishte çfarë të bënte tjetër veçse të sillte njerëz që sulmuan qytetarët që po qëndronin në heshtje. Më pa u arrestua një student i Fakultetit të Arteve dhe në solidaritet studentët dolën në protestë. Ata sërish u sulmuan.

Ata më pas parashtruan disa kërkesa. Gjithçka ishte dinamike. Brenda një kohe të shkurtër u bllokuan 4 universitete dhe më pas 65 universitete të tjera u bllokuan. Prej tre muajsh ata po protestojnë. Arsyeja është kjo tragjedi në Novi Sad që për shumicën nuk është tragjedi, por vrasje, sepse është dështimi i institucioneve, është korrupsioni në nivele të larta të politikës që çuan në këto vdekje. Kjo ishte pikënisja”, është shprehur Tomanic./ CNA





Lajmet e fundit nga