web counter
LEXO PA REKLAMA!

SHKARKO APP

App Store
Google Play

E fundit!

x

Me leje të përkohshme nga Haga/ Hashim Thaçi mbërrin në Kosovë

13 Mars 2025, 18:24, Kosova & Bota CNA

Me leje të përkohshme nga Haga/ Hashim Thaçi mbërrin

Ish-presidenti i Kosovës, Hashim Thaçi, ka mbërritur në Kosovë me leje të përkohshme të dhënë nga Gjykata Speciale në Hagë. Siç raportohet nga mediat në Kosovë, Thaçi aktualisht ndodhet në QKUK, ku babai i tij ka kohë që po trajtohet.

Mësohet se Thaçi kishte bërë kërkesa në Dhomat e Specializuara të Hagës këtë vit për të vizituar babain e tij të sëmurë, por ato ishin refuzuar deri më tani.

Zëdhënësi i Dhomës së Specializuar në Hagë, Michael Doyle, ka konfirmuar vizitën e Thaçit për arsye humanitare.

"Për arsye bindëse humanitare, trupi gjykues dhe gjyqtari i procedurës paraprake kanë udhëzuar Zyrën Administrative që të menaxhojë një vizitë të mbikëqyrur në Kosovë që Hashim Thaçi të takojë babanë e tij. Gjatë kësaj vizite të mbikëqyrur, i akuzuari mbetet në paraburgimin e Dhomës së Specializuar",- njoftoi Doyle .

Thaçi ndodhet në Qendrën e Paraburgimit në Hagë që nga nëntori i vitit 2020. Ai po gjykohet për krime lufte dhe së fundmi është akuzuar për pengim të drejtësisë./CNA





Lajmet e fundit nga