web counter
LEXO PA REKLAMA!

SHKARKO APP

App Store
Google Play

E fundit!

x

Vendosja e tarifave 25% për metalet/ Reagon BE-ja

12 Mars 2025, 09:26, Kosova & Bota CNA

Vendosja e tarifave 25% për metalet/ Reagon BE-ja

Bashkimi Europian ka reaguar për rritjen me 25% të tarifave ndaj importeve të çelikut dhe aluminit nga SHBA-ja.

Presidentja e Komisionit Europian, Ursula von der Leyen, në një deklaratë tha se BE-ja do të përgjigjet me kundërmasa në vlerën 28 miliardë dollarë.

“Teksa SHBA-ja po vendos tarifa në vlerë prej 28 miliardë dollarësh, ne po përgjigjemi me kundërmasa në vlerë prej 26 miliardë eurosh (28 miliardë dollarë)”, tha presidentja e Komisionit Europian, Ursula von der Leyen, përmes një deklarate.

 

Presidentja e KE-së tha se nuk është në interesin e përbashkët të rëndohen ekonomitë me tarifa.

“Ne gjithmonë mbesim të hapur për negociata. Ne besojmë fuqishëm që në një botë të mbushur me pasiguri gjeopolitike dhe ekonomike, nuk është në interesin tonë të përbashkët që të rëndojmë ekonomitë tona me tarifa”, tha Von der Leyen.

KE-ja tha se nga kundërmasat do të goditen produktet e çelikut dhe aluminit, por edhe të tekstilit, prodhimet e lëkurës, pajisjet shtëpiake, produktet e plastikës dhe drurit.

Produktet bujqësore do të preken po ashtu, përfshirë shpendët, mishi i viçit, disa produkte deti, frutat e thata, vezët, sheqeri dhe perimet./ CNA

 





Lajmet e fundit nga