web counter
LEXO PA REKLAMA!

SHKARKO APP

App Store
Google Play

Tarifa për importet e çelikut dhe aluminit/ Hyn në fuqi rritja me 25%

12 Mars 2025, 08:36, Kosova & Bota CNA

Tarifa për importet e çelikut dhe aluminit/ Hyn në fuqi rritja

Rritja e tarifave për importet e çelikut dhe aluminit me 25% ka hyrë zyrtarisht në fuqi ditën e sotme. Tarifa e vendosur nga presidenti Trump u bë me qëllim riformimin e normave të tregtisë në favor të prodhimit amerikan.

Veprimi i Trump-it për të rritur masat mbrojtëse për prodhuesit amerikanë të çelikut dhe aluminit rikthen tarifat globale prej 25% për importet e metaleve. Tarifat prekin qindra produkte të prodhimit të metaleve.

Trump tha se tarifa për Kanadanë do të dyfishohej duke shkuar në 50%, por e tërhoqi pasi kryeministri i Ontarios, Doug Ford, ra dakord për pezullimin e shtesës 25% mbi eksportet e energjisë me SHBA-në.

Kjo tronditi tregjet financiare amerikane, por la të pandryshuara planet e Trump-it për të forcuar tarifat e sigurisë kombëtare të Seksionit 232 për çelikun dhe aluminin e vendosur në 2018 gjatë mandatit të tij të parë.

Shumica e tregtisë SHBA-Kanada mbetet pa doganë sipas marrëveshjes tregtare USMCA që Trump nënshkroi në vitin 2020, por ai vazhdon të ankohet për tarifat e larta të Kanadasë për produktet e qumështit./ CNA





Lajmet e fundit nga