web counter
LEXO PA REKLAMA!

SHKARKO APP

App Store
Google Play

Takimi me Rutte-n/ Osmani: Është koha që Kosova të jetë në NATO

11 Mars 2025, 15:49, Kosova & Bota CNA

Takimi me Rutte-n/ Osmani: Është koha që Kosova të jetë

Presidentja Vjosa Osmani tha sot se është koha që Kosova ta ketë vendin e saj në NATO.

Në konferencën për media të mbajtur pas takimit me Sekretarin e Përgjithshëm të NATO-s, Mark Rutte, këtë të martë në Prishtinë, Osmani tha se interesimi i Kosovës për anëtarësim në Aleancë është një domosdoshmëri strategjike për paqen në rajon dhe kontinent.

"Qëllimi ynë strategjik i anëtarësimit në NATO nuk është thjesht një interes i yni kombëtar, por edhe një domosdoshmëri strategjike për paqen në rajon dhe në mbarë kontinentin europian. Ne duam të thellojmë partneritetin tonë me NATO-n duke e zhvilluar ushtrinë tonë, Forcën e Sigurisë së Kosovës, në një forcë moderne, profesionale dhe ndërvepruese me forcat partnere në shërbim të paqes, stabilitetit dhe sigurisë kudo në botë",-tha Osmani.

Osmani deklaroi gjatë konferencës se Kosova është shteti me sentimentin më pro NATO-s në glob, dhe se qytetarët e këtij vendi do të jenë përjetësisht mirënjohës për konitrbutin vendimtar të kësaj aleance për lirinë e vendit.

Ajo shtoi se Kosova tashmë ka arritur objektivin e NATO-s për 2% shpenzime për mbrojtjen.

"Kosova së shpejti do të fillojë prodhimin e municioneve dhe dronëve. Në këtë udhëtim, ne jemi shumë të vetëdijshëm për sfidat me të cilat përballemi... Beogradi po synon të destabilizojë jo vetëm Kosovën, por të gjithë Europën. Prania e trupave të NATO-s në Kosovë nuk është vetëm një garanci për sigurinë tonë. Ne u bashkohemi thirrjeve tuaja të përsëritura për përgjegjësi në lidhje me sulmin ndaj ushtarëve të KFOR-it. Le të kemi kohën e duhur për të forcuar praninë e Kosovës dhe pajisjet e saj. Aleanca të kontribuojë si një anëtare e përgjegjshme”,-tha Osmani./CNA

 





Lajmet e fundit nga