web counter
LEXO PA REKLAMA!

SHKARKO APP

App Store
Google Play

E fundit!

x

Para bisedimeve vendimtare me SHBA-në/ Zelensky zhvillon takime në Arabinë Saudite

10 Mars 2025, 14:04, Kosova & Bota CNA

Para bisedimeve vendimtare me SHBA-në/ Zelensky zhvillon takime në

Presidenti ukrainas, Volodymyr Zelensky, do të takohet sot me princin e kurorës saudite, Mohammed bin Salman, një ditë përpara bisedimeve vendimtare midis zyrtarëve ukrainas dhe amerikanë në Jeddah për përfundimin e luftës me Rusinë.

Zyrtarët amerikanë dhe ukrainas në këtë takim në Arabinë Saudite, synojnë strukturimin e kornizës për një armëpushim me Rusinë dhe një marrëveshje paqeje. I dërguari special i Presidentit Trump, Steve Witkoff e konfirmoi për gazetarët.

Takimi sinjalizon një shkrirje të marrëdhënieve midis SHBA-së dhe Ukrainës, pas një konfrontimit në Zyrën Ovale midis Trump dhe presidentit ukrainas Volodymyr Zelensky.

“Tani jemi në diskutime për të koordinuar një takim me ukrainasit në Riad apo edhe potencialisht në Jeddah. Pra, qyteti po lëviz pak, por do të jetë Arabia Saudite. Dhe unë mendoj se ideja është që të arrihet një kornizë për një marrëveshje paqeje dhe një armëpushim fillestar gjithashtu”,-tha Witkoff.

Zelensky ka kërkuar të riparojë marrëdhëniet me Trump pas debatit të Zyrës Ovale, pasojat nga e cila kanë përfshirë ndërprerjen e ndihmës ushtarake nga Trump për Ukrainën dhe ndërprerjen e ndarjes së inteligjencës me ukrainasit, duke dëmtuar aftësinë e Kievit për të goditur objektivat ruse me vlerë të lartë./CNA 





Lajmet e fundit nga