web counter
LEXO PA REKLAMA!

SHKARKO APP

App Store
Google Play

Republikanët paraqesin projektligjin për financimin e qeverisë/ Trump mbështet nismën

8 Mars 2025, 21:41, Kosova & Bota CNA

Republikanët paraqesin projektligjin për financimin e qeverisë/

Ligjvënësit republikanë paraqitën një projektligj për shpenzimet buxhetore, i cili synon financimin e agjencive federale deri më 30 shtator.

Ky projektligj, i cili ka 99 faqe, parashikon një rritje të lehtë të fondeve për mbrojtjen, ndërsa kufizon shpenzimet për programet e tjera nën nivelin e vitit buxhetor 2024.

Presidenti Donald Trump e përshëndeti këtë nismë, duke e cilësuar si një “projektligj financimi shumë të mirë” dhe u bëri thirrje republikanëve ta miratojnë atë javën e ardhshme. Ai gjithashtu paralajmëroi se demokratët mund të përpiqen të mbyllin qeverinë nëse nuk kalon.

Propozimi ka ngjallur kundërshtime nga demokratët, të cilët kërkojnë që shpenzimet për mbrojtjen dhe për programet e tjera të rriten në mënyrë të barabartë. Udhëheqësi i demokratëve në Dhomën e Përfaqësuesve, Hakeem Jeffries, shprehu gatishmërinë për të negociuar një marrëveshje dypartiake që vendos interesat e punonjësve në plan të parë.

Ai theksoi se projekt-ligji aktual mund të dëmtojë financimet për programe kyçe, si ato për veteranët dhe familjet me të ardhura të ulëta.

Kongresi duhet të arrijë një marrëveshje deri në mesnatën e së premtes për të shmangur një mbyllje të pjesshme të qeverisë, që do të ndikonte në funksionimin e agjencive dhe shërbimeve publike.

Republikanët, me një shumicë të ngushtë prej 218-214 në Dhomën e Përfaqësuesve, mund të hasin vështirësi në miratimin e projekt-ligjit nëse humbasin mbështetjen e vetëm dy anëtarëve të tyre.

Në Senat, ku kërkohen 60 vota nga 100, të paktën shtatë senatorë demokratë duhet të votojnë pro nëse të gjithë 53 senatorët republikanë e mbështesin projekt-ligjin./CNA





Lajmet e fundit nga