web counter
LEXO PA REKLAMA!

SHKARKO APP

App Store
Google Play

Gjermania, plan historik/ Një trilion euro për të forcuar mbrojtjen

5 Mars 2025, 16:00, Kosova & Bota CNA

Gjermania, plan historik/ Një trilion euro për të forcuar

Gjermania ka miratuar një plan historik që mund të arrijë deri në 1 trilion euro shpenzime për mbrojtjen dhe infrastrukturën për dekadën e ardhshme. Në marrëveshjen e arritur mes liderëve kristiandemokratë dhe atyre socialdemokratë, u dakordësua një rritje e shpenzimeve të mbrojtjes dhe një fond i ri prej 500 miliardë euro për investime në infrastrukturë.

Kjo lëvizje mund të sjellë ndryshime të mëdha në politikën fiskale të Gjermanisë. Këto masa pritet të miratohen në muajt e ardhshëm. Lideri i CDU-së, Friedrich Merz, u shpreh se këto vendime janë të domosdoshme për të mbrojtur infrastrukturën e sigurisë dhe paqes në Europë. Merz theksoi se shpenzimet për mbrojtjen nuk mund të shtyhen më pas vendimeve të funsdit nga administrata amerikane.  

Frenimi i borxhit, që është pjesë e Kushtetutës së Gjermanisë, do të përjashtohet për shpenzimet ushtarake që kalojnë 15 të PBB-së. Ky ndryshim do t’i japë qeverisë një mundësi për të investuar më shumë në forcën ushtarake të Gjermanisë, në një kohë që rreziqet e sigurisë janë në rritje.

Ky plan për sigurinë vjen pas zgjedhjeve të fundit, në të cilat CDU-ja fitoi me një diferencë të thellë dhe tani po negocion për formimin e një koalicioni me SPD-në. Kjo strategji gjithashtu i jep një stimul të madh ekonomisë gjermane, e cila për të tretin vit radhazi ndodhet në recesion.

Realizimi i këtyre ndryshimeve kushtetuese dhe heqja e frenimit të borxhit kërkon një shumicë prej 2/3 në Bundestagun gjerman. Merz dhe liderët e SPD-së kanë rënë dakord që të dërgojnë një mocion urgjent në Bundestag për të alokuar 3 miliardë euro shtesë mbështetje ushtarake për Ukrainën./ CNA





Lajmet e fundit nga