web counter
LEXO PA REKLAMA!

SHKARKO APP

App Store
Google Play

Dhuna në parlamentin serb/ Reagon Vucic: Ditë e vështirë për ne, të merren masa penale!

4 Mars 2025, 21:56, Kosova & Bota CNA

Dhuna në parlamentin serb/ Reagon Vucic: Ditë e vështirë

Parlamenti i Serbisë u përfshi nga dhuna dhe kaosi këtë të martë teksa opozita sulmoi me flakadanë brenda sallës kundërshtarët. Tre deputetë përfunduan në spital të plagosur teksa së fundmi në lidhje me këtë ngjarje reagoi edhe presidenti Aleksandar Vucic.

Ky i fundit theksoi se kjo ditë ishte një nga më të vështirat për Serbinë, duke shtuar se skena të tilla nuk ishin parë në 35 vitet e fundit kur u themelua sistemi shumëpartiak.

“Sot është një ditë e vështirë për Serbinë, për çdo qytetar normal të këtij vendi. Jemi dëshmitarë të diçkaje që nuk e kemi parë që nga themelimi i sistemit shumëpartiak, pra në 35 vitet e fundit. Në 35 vitet e fundit nuk ka ndodhur diçka e tillë: Ky është një rast bullizmi, sjellje huligane.

Kërkoj përgjegjësi penale dhe ligjore. Kam një lajm të mirë, dhe ai është se Sonja Iliq, e cila është 8 muajshe shtatzënë dhe është nga Graçanica, është mire, dhe fëmija është mirë. Ajo dhe i shoqi po përballen me vështirësi. Faleminderit të gjithë deputetëve dhe në veçanti faleminderit Ana Brnabiq, e cila u soll si hero". /CNA





Lajmet e fundit nga