web counter
LEXO PA REKLAMA!

SHKARKO APP

App Store
Google Play

Mblidhen vendet e G7-së/ Diskutime mbi sigurinë dhe Ukrainën

14 Mars 2025, 19:19, Kosova & Bota CNA

Mblidhen vendet e G7-së/ Diskutime mbi sigurinë dhe Ukrainën

Vendet e G7-së u fokusuan në diskutime veçanërisht mbi politikat e SHBA-së për tregtinë, sigurinë dhe Ukrainën, në takimin e mbajtur në qytetin La Malbaie në Quebec të Kanadasë, në një sfond javësh tensioni diplomatik.

Pavarësisht sfidave, ministrat e G7-ës arritën të paraqesin një front të bashkuar të premten, duke larguar frikën se ndarjet mund të shfrytëzohen nga Rusia ose Kina.

"Unë mendoj se ne jemi në rrugën e duhur për të pasur një deklaratë të fortë. Unë kam besim se mund të jetë kështu", -tha ministrja e jashtme kanadeze Mélanie Joly pak përpara se ministrat të miratonin komentin përfundimtar.

Në qëndrimin e përbashkët theksohet se ka pasur bisedime produktive.

"Kur bëhet fjalë për çështje të ndryshme, Ukrainën dhe Lindjen e Mesme, ne kemi pasur diskutime produktive dhe qëllimi ishte të përforconim solidaritetin e G7",-thuhet në qëndrim.

Grupi i Shtatë vendeve, i përbërë nga Britania, Kanadaja, Franca, Gjermania, Italia, Japonia dhe Shtetet e Bashkuara, së bashku me Bashkimin Evropian, demonstruan kohezionin në komunikatën përfundimtare, duke riafirmuar mbështetjen e palëkundur për Ukrainën në mbrojtjen e integritetit territorial, sovranitetit dhe pavarësisë së saj./CNA





Lajmet e fundit nga