web counter
LEXO PA REKLAMA!

SHKARKO APP

App Store
Google Play

Tragjedia në Koçan/ Arrestohen 15 persona, mes tyre ish-sekretari shtetëror i Ministrisë së Ekonomisë

16 Mars 2025, 17:07, Kosova & Bota CNA

Tragjedia në Koçan/ Arrestohen 15 persona, mes tyre ish-sekretari

Ministri i Punëve të Brendshme në Maqedoninë e Veriut, Pançe Toshkovski në një prononcim për mediat ka thënë se licenca e klubit në Koçan, ku ndodhi tragjedia, është e lidhur me mitmarrje dhe korrupsion. Toshkovski tha se personat që kanë dhënë këtë licencë janë identifikuar dhe do të mbajnë përgjegjësi.

“Kjo licencë është e ndërlidhur me mit-marrje dhe korrupsion. Në këtë rast kanë emër dhe mbiemër ata që kanë dhënë këtë licencë dhe do të përgjigjen”, tha Toshkovski.

 

Toshkovski gjithashtu njoftoi se janë arrestuar 15 persona mes tyre ish-sekretari shtetëror i Ministrisë së Ekonomisë. Ministri i Brendshëm maqedonas bëri me dije se në mesin e të lënduarve janë 20 të mitur, ndërsa nga 59 të vdekurit, 3 janë të mitur.

Në orët e para të mëngjesit një zjarr ka përfshirë një diskotekë në Koçan të Maqedonisë së Veriut, ku si pasojë humbën jetën 59 persona dhe mbetën të lënduar 155. Nga viktimat vetëm 35 prej tyre janë identifikuar. Shkak i zjarrit u bë përdorimi i lëndëve piroteknike./ CNA





Lajmet e fundit nga