web counter
LEXO PA REKLAMA!

SHKARKO APP

Tragjedia në Koçan/ Jep dorëheqjen kryetari i komunës

17 Mars 2025, 12:45, Kosova & Bota CNA

Tragjedia në Koçan/ Jep dorëheqjen kryetari i komunës

Kryetari i Komunës së Koçanit në Maqedoninë e Veriut, Ljupço Papazov, ka dorëzuar sot dorëheqjen e parevokueshme nga detyra e tij në këtë institucion. Vendimi erdhi pas ngjarjes tragjike në Koçan ku humbën jetën 59 persona.

Në një postim në rrjetet sociale, Papazov shprehet se kjo është një humbje e madhe, që do të krijojë një boshllëk të padurueshëm.

“Kjo humbje është e madhe! Nuk ka fjalë që mund të përshkruajnë dhimbjen që ndiejmë të gjithë. Ata fëmijë ishin fëmijët tanë. Unë i njihja shumicën prej tyre, i njihja familjet e tyre dhe disa prej tyre ishin miq të familjes. Tronditja dhe thyerja e zemrës që ndiej do të zgjasë gjithë jetën time. Kjo tragjedi e ka lënë në errësirë Koçanin dhe Maqedoninë, dhe boshllëku që ka mbetur është i padurueshëm”,-shkruan Papazov.

Pas dorëheqjes, Papazov kërkon nga institucionet e vendit të hetojnë më shumë mbi ngjarjen, mbi përgjegjësinë e të gjithë të përfshirëve dhe është shprehur i gatshëm që të jetë plotësisht në dispozicion të institucioneve./CNA

 





Lajmet e fundit nga