web counter
LEXO PA REKLAMA!

SHKARKO APP

App Store
Google Play

Plani i ri i BE-së/ Synohet blerje armësh mbrojtëse brenda Europës

19 Mars 2025, 17:54, Kosova & Bota CNA

Plani i ri i BE-së/ Synohet blerje armësh mbrojtëse brenda

Bashkimi Europian njoftoi të mërkurën një përpjekje të re për të thyer varësinë e saj të sigurisë nga vendet e tjera, me fokus në blerjen e më shumë armëve dhe pajisjeve mbrojtëse në Europë dhe jo nga furnizuesit përtej Atlantikut.

Dega ekzekutive e BE-së shpalosi strategjinë e sigurisë "Gatishmëria 2030" me kërcënimin e agresionit rus në ballë të shqetësimeve. Vlerësimet e inteligjencës së NATO-s sugjerojnë se Rusia mund të jetë e aftë të nisë përsëri një sulm në Europë pas tre deri në pesë vjet.

Sipas strategjisë së re, vendeve anëtare do t'u kërkohet të blejnë një pjesë të madhe të pajisjeve të tyre ushtarake në Europë, duke punuar kryesisht me furnizuesit europianë, në disa raste me ndihmën e BE-së për të ulur çmimet dhe për të përshpejtuar porositë. Ata duhet të blejnë pajisje nga jashtë vetëm kur kostot, performanca ose vonesat e furnizimit e bëjnë atë të preferueshme.

"Epoka e dividendit të paqes ka kaluar prej kohësh. Arkitektura e sigurisë në të cilën ne u mbështetëm nuk mund të merret më si e mirëqenë. Ne duhet të investojmë në mbrojtje, të forcojmë aftësitë tona dhe të marrim një qasje proaktive ndaj sigurisë”,-tha presidentja e Komisionit Europian Ursula von der Leyen. 

 27 vendet e BE-së kanë vendosur rreth dy të tretat e porosive të tyre me kompanitë e mbrojtjes amerikane. Për t'u kualifikuar për kredi të reja, ata do të duhet të blejnë të paktën 65% të pajisjeve nga furnitorët në BE, Norvegji ose Ukrainë./CNA 





Lajmet e fundit nga