web counter
LEXO PA REKLAMA!

SHKARKO APP

App Store
Google Play

Refuzohet kërkesa e Vetëvendosjes për rivotim me postë

19 Mars 2025, 18:22, Kosova & Bota CNA

Refuzohet kërkesa e Vetëvendosjes për rivotim me postë

Paneli Zgjedhor për Ankesa dhe Parashtresa ka hedhur poshtë kërkesën e Lëvizjes Vetvendosje, Partisë Demokratike të Kosovës dhe PDAK-LPB, të cilat kishin kërkuar të anuloheshin votat me postë për Lidhjen Demokratike të Kosovës.  Bëhet fjalë për 18,933 vota në total.

Në vendimin e PZAP thuhet se ankesa është cilësuar e pabazuar, pasi nuk ka prova të mjaftueshme dhe për rrjedhojë është refuzuar.

“REFUZOHET si e pabazuar ankesa A.nr.641/2025 e datës 17.03.2025 e subjektit politik Lëvizja Vetëvendosje (LVV) me seli në Prishtinë, e parashtruar kundër vendimit të Komisionit Qendror të Zgjedhjeve (KQZ) me seli në Prishtinë, Nr.01/727-2025, të datës 15 mars 2025, për shpalljen e rezultateve përfundimtare për Zgjedhjet e Përgjithshme për Kuvendin e Republikës së Kosovës të datës 09.02.2025, me të cilën ka kërkuar që të anulohen rezultatet e votimit me postë për subjektin politik Lidhja Demokratike e Kosovës (LDK) dhe kandidatët e saj, gjithsej 18,933 vota dhe këto vota të largohen nga rezultatet përfundimtare të zgjedhjeve, ta urdhëroj KQZ-në të të përsërisë votimin me postë në tërësi dhe të largojë nga lista e kandidatëve të LDK-së kandidatët e cekur me emër dhe mbiemër në arsyetimin e kësaj ankese, për shkak të manipulimit me votat e ardhura me postë dhe të mos e lejojë subjektin politik LDK t’i zëvendësojë kandidatët e larguar”, thuhet në vendimin e PZAP-së./ CNA

 





Lajmet e fundit nga