LEXO PA REKLAMA!

SHKARKO APP

E fundit!

x

Sholc: Putini u trembet "shkëndijave të demokracisë" në Rusi

20 Qershor 2022, 19:55, Kosova & Bota CNA
Sholc: Putini u trembet "shkëndijave të demokracisë"
Kancelari gjerman Olaf Sholc

Kancelari gjerman Olaf Sholc deklaroi se presidenti rus Vladimir Putin ka frikë nga "shkëndija e demokracisë" që po përhapet në vendin e tij, duke shtuar se ai po përpiqej të ndante Europën dhe të kthehej në një botë të dominuar nga sferat e ndikimit.

Gjatë një interviste për gazetën “Muenchner Merkur”, të publikuar të hënën, më 20 qershor Sholc u pyet nëse Putini do të pranonte që Ukraina të anëtarësohej në Bashkimin Europian.

"Presidenti rus duhet të pranojë se ekziston një komunitet i demokracive të bazuara në ligj mes fqinjëve të tij që po afrohet gjithnjë e më shumë së bashku", tha ai. "Ai qartazi ka frikë nga shkëndija e demokracisë që po përhapet në vendin e tij".

Komisioni Europian javën e kaluar rekomandoi që Ukrainës, e cila po përballet me një pushtim rus në lindjen e vendit, t'i jepet statusi i kandidatit për t'u anëtarësuar me Bashkimin Europian, një lëvizje që gjithashtu Sholc tha se e mbështet.


"(Putini) dëshiron një Europë të ndarë dhe një kthim në një politikë të sferave të ndikimit tha Sholc. "Ai nuk do të ketë sukses në këtë nismë".

Sholc paralajmëroi se rritja e çmimeve të energjisë ka të ngjarë të vazhdojë për një kohë të gjatë dhe hodhi poshtë pretendimet e Rusisë, e cila tha se kishte shkurtuar furnizimet e gazit sepse mungonin pjesët e nevojshme të këmbimit për shkak të sanksioneve perëndimore.

"Ky shpjegim nuk është i besueshëm", tha ai./rel

Lajmet e fundit nga