LEXO PA REKLAMA!

SHKARKO APP

E fundit!

x

Osmani: Integrimi i Ballkanit Perëndimor parandalon ndikimin rus

19 Qershor 2022, 17:18, Kosova & Bota CNA
Osmani: Integrimi i Ballkanit Perëndimor parandalon ndikimin rus
Presidentja e Kosovës, Vjosa Osmani

Presidentja e Kosovës, Vjosa Osmani, deklaroi se integrimi i vendeve të Ballkanit Perëndimor në strukturat euroatlantike parandalon ndikimin e Rusisë në rajon.

Deklaratën Osmani e dha këtë të dielë gjatë një takimi me Ministrin e Jashtëm të Turqisë, Mevlut Çavu?o?lu në Prishtinë, raporton "Kosova Press".

Sipas një komunikate të Presidencës së Kosovës, Osmani dhe ministri Çavu?o?lu diskutuan për zhvillimet aktuale në rajon dhe në Europë.

Osmani ka përsëritur qëndrimin se anëtarësimi i Kosovës dhe rajonit në strukturat euroatlantike është domosdoshmëri.

“E vlerësoj maksimalisht mbështetjen e qartë të presidentit Erdo?an ndaj anëtarësimit të Kosovës në NATO dhe organizata të tjera ndërkombëtare. Mbështetje e tillë nga Turqia na duhet edhe për anëtarësimin e Kosovës në Këshillin e Europës”, ka theksuar ajo.

Presidentja shtoi se marrëdhëniet midis dy vendeve mund të thellohen edhe më tej, veçanërisht në fushën e investimeve./CNA.al

Lajmet e fundit nga