LEXO PA REKLAMA!

SHKARKO APP

E fundit!

x

Ahmeti: Në Maqedoninë e Veriut nuk do të zhvillohen zgjedhje të parakohshme

19 Qershor 2022, 17:29, Kosova & Bota CNA
Ahmeti: Në Maqedoninë e Veriut nuk do të zhvillohen zgjedhje
Takimi me partnerët e koalicionit qeverisës në Maqedoninë e Veriut

Kryetari i Partisë Bashkimi Demokratik për Integrim (BDI), Ali Ahmeti, në takimin me partnerët e koalicionit qeverisës, ka deklaruar se vendi ka nevojë për stabilitet politik, për të përballuar me efikasitet krizën globale ekonomike.  

Në takimin e sotëm me partnerët e koalicionit qeverisës rikonfirmuam njëzëri qëndrimet tona se vendi ka nevojë për stabilitet politik, pjekuri dhe konzistencë vendimmarrëse për të vazhduar me sukses rrugën e integrimit, përballjen efikase me sfidat e krizës globale ekonomike dhe vazhdimin e reformave”, shkruan Ahmeti në postimin e bërë në faqen e tij në "Facebook".

Pas këtij takimi, Ahmeti ka bërë të ditur se kanë nënshkruar deklaratën për mbajtjen e zgjedhjeve të ardhshme parlamentare në kohën e rregullt të tyre, në vitin 2024. “Mbi këto parime prioritare nënshkruam Deklaratën për mbajtjen e zgjedhjeve të ardhshme parlamentare në kohën e rregullt të tyre, në vitin 2024. Fokusi ynë në këto çaste vendimtare për ardhmërinë e vendit nuk duhet të jetë gara politike, por zbatimi i pakos së masave të reja ekonomike për të mbrojtur standardin jetësor të qytetarëve”, theksoi ai.

Ahmeti kërkoi reflektim nga opozita maqedonase dhe ndërprerjen e bojkotit për t’u rikthyer në Kuvend.  “E ardhmja progresive e vendit është mbi çdo interes partiak, prandaj apelojmë edhe deri tek opozita për reflektim racional, zhbllokim të punës së Kuvendit dhe pajtueshmëri rreth çështjeve me interes të përbashkët shtetëror për jetë më cilësore”, është shprehur kreu i BDI-së./CNA.al

 

Ahmeti: Në Maqedoninë e Veriut nuk do të zhvillohen zgjedhje

Lajmet e fundit nga