LEXO PA REKLAMA!

SHKARKO APP

Pesë milionë dollarë në këmbim/ Piratët somalezë lirojnë anijen me 23 pengje

15 Prill 2024, 11:03, Kosova & Bota CNA
Pesë milionë dollarë në këmbim/ Piratët
Pronari i MV Abdullah, KSRM Group

Piratët somalezë liruan një anije të rrëmbyer, MV Abdullah, dhe ekuipazhin e saj prej 23 personash, herët të dielën, pasi u pagua një shpërblim prej 5 milionë dollarësh, raporton "CNN". 

“Paratë na u sollën dy net më parë si zakonisht… ne kontrolluam nëse paratë ishin false apo jo. Më pas ne i ndamë paratë në grupe dhe u larguam, duke shmangur forcat qeveritare”, tha për "Reuters", Abdirashiid Yusuf, një nga piratët.

Ai shtoi se anija ishte liruar me të gjithë ekuipazhin e saj. Zyrtarët e qeverisë somaleze nuk iu përgjigjën një kërkese për koment.

"MV Abdullah", një transportues me flamur i Bangladeshit - një anije tregtare që përdoret për të transportuar sasi të mëdha ngarkesash - u rrëmbye në mars teksa po shkonte nga Mozambiku për në Emiratet e Bashkuara Arabe.

Rrëmbimi ndodhi rreth 600 milje detare në lindje të kryeqytetit të Somalisë Mogadishu.

Piratët somalezë shkaktuan kaos në ujërat jashtë vijës së gjatë bregdetare të vendit nga viti 2008 deri në vitin 2018. Ata kishin qenë të "fjetur" deri në fund të vitit të kaluar, kur aktiviteti pirat filloi të rritet përsëri.

Burimet detare thonë se piratët mund të inkurajohen nga një relaksim i sigurisë ose mund të përfitojnë nga kaosi i shkaktuar nga sulmet ndaj anijeve nga grupi Houthi i Jemenit, i lidhur me Iranin, ndërsa lufta në Gaza është ndezur midis Izraelit dhe grupit militant palestinez Hamas./CNA

Lajmet e fundit nga