web counter
LEXO PA REKLAMA!

SHKARKO APP

App Store
Google Play

E fundit!

x

OKB-ja kërkon vetëpërmbajtje/ Guterres: Rajoni, përballë rrezikut të një konflikti shkatërrues

14 Prill 2024, 22:49, Kosova & Bota CNA

OKB-ja kërkon vetëpërmbajtje/ Guterres: Rajoni,

Pas sulmit të Iranit ndaj Izraelit, Sekretari i Përgjithshëm i OKB-së, Antonio Guterres bëri thirrje për depërshkallëzim.

Këtë deklaratë ai e bëri në mbledhjen e Këshillit të Sigurimit të Kombeve të Bashkuara.

Guterres tha se është koha për të treguar vetëpërmbajtje maksimale, ndërsa e cilësoi jetike shmangjen e veprimeve që mund të çojnë në konfrontime ushtarake në Lindjen e Mesme.

“Është koha të tërhiqemi nga terreni i vështirë ku situata ndodhet momentalisht. Është jetike të shmanget çdo veprim që mund të çojë në konfrontime të mëdha ushtarake në fronte të shumta në Lindjen e Mesme. Civilët tashmë po mbajnë barrën e situatës dhe po paguajnë çmimin më të lartë.

Ne kemi një përgjegjësi të përbashkët për të angazhuar në mënyrë aktive të gjitha palët e interesuara për të parandaluar përshkallëzimin e mëtejshëm. Ne kemi një përgjegjësi të përbashkët për të siguruar një armëpushim të menjëhershëm humanitar në Gaza, lirimin e menjëhershëm dhe të pakushtëzuar të të gjithë pengjeve dhe shpërndarjen e papenguar të ndihmave.

Ne kemi një përgjegjësi të përbashkët për të ndaluar dhunën në Bregun Perëndimor të pushtuar, për të de-përshkallëzuar situatën përgjatë Linjës Blu dhe për të rivendosur lundrimin e sigurt në Detin e Kuq. Ne kemi një përgjegjësi të përbashkët për të punuar për paqen. Paqja dhe siguria rajonale dhe në të vërtetë globale po minohen çdo orë. As rajoni dhe as bota nuk mund të përballojnë më shumë luftë”, theksoi Sekretari i Përgjithshëm i OKB-së./ CNA





Lajmet e fundit nga