web counter
LEXO PA REKLAMA!

SHKARKO APP

App Store
Google Play

E fundit!

x

Parandalohet sulmi terrorist në Itali/ Çiftit me prejardhje nga Kosova i dështon plani

24 Qershor 2022, 21:44, Kosova & Bota CNA
Parandalohet sulmi terrorist në Itali/ Çiftit me prejardhje nga
Foto ilustruese

Mediat italiane thanë se dy të rinj, burrë e grua, me prejardhje nga Kosova, janë arrestuar më herët gjatë këtij muaji nën dyshimet se po planifikonin një sulm terrorist në Trentino të Italisë, në emër të grupit militant Shteti Islamik.

Të rinjtë në të 20-tat, që sipas medias italiane kishin dosje të pastër, u arrestuan më 15 qershor, ndërsa tri ditë më pas një gjykatës në Rovereto vendosur arrest shtëpie vetëm ndaj burrit.

Të dy ata janë duke u hetuar nën pretendimet për komplot me qëllim terrorizmi, përmbysje të rendit demokratik, regjistrim dhe trajnim për qëllime terrorizmi.

Autoritetet thanë se dy të rinjtë, të lindur në Itali në familje me prejardhje nga Kosova, të integruar prej kohësh, janë radikalizuar nga propaganda në internet. Pas kryerjes së sulmit, të dy planifikonin të udhëtonin për në Afrikë për t'iu bashkuar organizatës terroriste.

Gjatë operacionit thuhet e janë konfiskuar pajisjeve kompjuterike dhe prodhime kimike që do përdoreshin për përgatitjen e mjeteve shpërthyese.

Që nga fillimi i konfliktit në Siri, rreth 400 qytetarë të Kosovës besohet se janë përfshirë në konfliktet në Lindjen e Mesme. Mbi 70 veta kanë humbur jetën, ndërsa qindra janë kthyer nëpër vite prej andej.

Autoritetet në Kosovës besojnë se rreth 90 veta ndodhen ende në Siri, mes tyre pak luftëtarë dhe më shumë gra dhe fëmijë./ VOA





Lajmet e fundit nga