web counter
LEXO PA REKLAMA!

SHKARKO APP

App Store
Google Play

E fundit!

x

Ndërhynë në sistemet bankare dhe bënë transaksione, arrestohen 10 persona në Kosovë

19 Shtator 2023, 11:07, Kosova & Bota CNA

Ndërhynë në sistemet bankare dhe bënë transaksione,

Dhjetë persona janë arrestuar në Kosovë nën dyshimet se kanë keqpërdorur kartelat bankare dhe kanë ndërhyrë në sistemet kompjuterike.

Policia e Kosovës tha se pas disa muajsh hetime, më 19 shtator ka kryer kontrolle në 14 lokacione në Prishtinë, Gjilan, Ferizaj, Kaçanik, Drenas, Suharekë dhe Deçan.

“Gjatë operacionit policor të sotëm janë arrestuar dhjetë persona, nën dyshimin se janë përfshirë në veprat penale: ‘lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit’ dhe ‘hyrje në sistemet kompjuterike’”, u tha në njoftim.

Sipas autoriteteve të rendit, të arrestuarit dyshohet se kanë përdorur kartelat bankare pa autorizim duke bërë transaksione, tërheqje të parave nga bankomatët dhe blerje të gjësendeve të ndryshme, me kartela bankare të cilat, “kanë arritur në forma të ndryshme t’i komprometojnë”.

“Në këtë rast janë dëmtuar institucionet financiare [bankat] në Kosovë me mijëra euro”, u tha në njoftim.
Gjatë kontrolleve, sipas policisë, janë sekuestruar prova të ndryshme, përfshirë kompjuterë, telefona celularë, USB, kartela bankare, dokumente, si dhe tri armë dhe municion.

Në Kosovë operojnë 12 banka komerciale, nëntë prej të cilave janë në pronësi të huaj./ REL 

 

 





Lajmet e fundit nga