web counter
LEXO PA REKLAMA!

SHKARKO APP

App Store
Google Play

Musliu i largoi mikrofonin, Dehari ndërpret seancën pa nisur votimi

23 Korrik 2025, 12:42, Kosova & Bota CNA

Musliu i largoi mikrofonin, Dehari ndërpret seancën pa nisur votimi

Kryesuesi i seancës konstituitive, Avni Dehari, e ndërpreu seancën të mërkurën, më 23 korrik, duke thënë se nuk ka kushte për mbajtjen e saj. Kjo erdhi pasi deputetja e Partisë Demokratike të Kosovës, Ganimete Musliu, i largoi mikrofonin Deharit.

Dehari pasi këtij veprimi të Musliut tha se e ndërpret seancën dhe e njëjta vazhdon më 25 korrik në orën 11:00. Ai nuk e hodhi fare në votim formimin e komisionit të fshehtë.

Musliu mori fjalën në emër të PDK-së për të propozuar anëtarin e komisionit verifikues për votim të fshehtë të kryeparlamentarit, por Dehari i ndërpreu fjalën.

“Para se të jap propozimin e PDK-së, i bëj lutje zotëri Deharit nëse ka mbetur pak moral njerëzor”, tha ajo.

Dehari tha se nuk lejohet debati në seancën konstituive.

“S’ka nevojë për debat. Rregullorja e precizon këtë shumë mirë se debat në seancën konstituive s’ka”, tha ai.

Pas polemikave me deputeten Musliu, kryesuesi i seancës, Avni Dehari, ndërpreu seancën konstituive./ CNA





Lajmet e fundit nga