web counter
LEXO PA REKLAMA!

SHKARKO APP

App Store
Google Play

“Shmangni udhëtimet drejt Serbisë”/ Kurti reagon ndaj Vuçiçit: Dëshmon se nuk do normalizim

21 Korrik 2025, 16:13, Kosova & Bota CNA

“Shmangni udhëtimet drejt Serbisë”/ Kurti reagon ndaj

Kryeministri i Kosovës, Albin Kurti ka reaguar sot lidhur me deklaratat më të fundit të bëra nga presidenti i Serbisë, Aleksandar Vuçiç.

Në një deklaratë për shtyp, Kurti theksoi se në Kosovë nuk ekziston asnjë diskriminim bazuar në etni, pozitë apo ndikim politik .

“Republika e Kosovës është demokratike dhe ligjore me pushtete të ndara, institucione të konsoliduara e zbatim të barabartë të ligjit. Sundimi i ligjit nuk diskriminon sipas etnisë, pozitës apo ndikimit politik”,-tha Kurti.

Kurti u bëri thirrje qytetarëve që të shmangin udhëtimet drejt Serbisë.

“Shmangni udhëtimet drejt Serbisë, ka indikacione për ndalime arbitrare nga autoritetet serbe. Serbia po dëshmon se s’është e interesuar për normalizim. Kosova është vendosur për të garantuar dhe ruajtur sigurinë”,-tha Kurti.

Në reagimin e tij më të fundit, presidenti serb u shpreh se paraburgimi për zyrtarin serb Igor Popoviç nxit provokime për konflikte në Ballkan.

“Arrestimi i fundit i Igor Popoviç tregon se Kurti e ka humbur plotësisht mendjen dhe se dëshiron të provokojë incidente dhe konflikte në Ballkanin Perëndimor. Kjo mund të ketë pasoja të paparashikueshme, por ne gjithmonë do të luftojmë për të ruajtur paqen dhe stabilitetin”,-tha Vuçiç./CNA





Lajmet e fundit nga