web counter
LEXO PA REKLAMA!

SHKARKO APP

App Store
Google Play

E fundit!

x

Rrëzohet avioni mbi një shkollë në Bangladesh/ Të paktën 19 të vdekur

21 Korrik 2025, 14:32, Kosova & Bota CNA

Rrëzohet avioni mbi një shkollë në Bangladesh/ Të

Të paktën 19 persona kanë vdekur dhe më shumë se 100 të tjerë janë plagosur pasi një avion stërvitor i forcave ajrore të Bangladeshit u rrëzua në një kampus shkolle në kryeqytetin Daka. Pamjet e skenës në shkollën dhe kolegjin Milestone në periferinë veriore të Uttara-s tregojnë një zjarr të madh dhe një re tymi.

Forcat e armatosura kanë konfirmuar se njëri nga avionët e tyre ishte i përfshirë dhe se piloti vdiq në rrëzim. "Më shumë se 50 persona, përfshirë fëmijë dhe të rritur, u dërguan në spital me djegie", u tha gazetarëve një mjek në Institutin Kombëtar të Djegieve dhe Kirurgjisë Plastike.

Numri i të vdekurve mund të rritet ende, me burime zyrtare që japin shifra të ndryshme se sa njerëz kanë vdekur dhe sa janë plagosur.

Një mësues në kolegj, Rezaul Islam, i tha "BBC" se e pa aeroplanin të godiste "direkt" ndërtesën. Një mësues tjetër, Masud Tarik, i tha "Reuters" se dëgjoi një shpërthim: "Kur shikova prapa, pashë vetëm zjarr dhe tym... Kishte shumë kujdestarë dhe fëmijë këtu".

Një student tha se e pa aeroplanin të godiste ndërtesën "pikërisht para syve të tij". Diapazoni i moshës për nxënësit që ndjekin shkollën është midis katër dhe 18 vjeç. Një deklaratë nga ushtria tha: "Avioni stërvitor F-7 BGI i Forcave Ajrore të Bangladeshit u rrëzua në Uttara. Avioni u ngrit në orën 13:06 (07:06 GMT)".

Shërbimi zjarrfikës i vendit tha në mediat sociale se kishte nëntë njësi në vendngjarje, së bashku me gjashtë ambulanca. Imazhet nga vendi i ngjarjes tregojnë dhjetëra punonjës të shërbimit të emergjencës që po kërkojnë nëpër rrënojat e djegura për të gjetur të mbijetuar.

Rrëzohet avioni mbi një shkollë në Bangladesh/ Të

Muhammad Yunus, udhëheqësi i qeverisë së përkohshme të Bangladeshit, tha se do të merren "masat e nevojshme" për të hetuar shkakun e incidentit dhe për të "siguruar të gjitha llojet e ndihmës".

"Ky është një moment pikëllimi të thellë për kombin. U uroj të plagosurve shërim të shpejtë dhe u jap udhëzime të gjitha autoriteteve, përfshirë spitalet përkatëse, që ta trajtojnë situatën me rëndësi të madhe", tha ai në një postim në "X".

Bangladeshi ka shpallur ditë zie të martën, kur flamuri kombëtar do të ulet në gjysmështizë në të gjithë vendin./ CNA





Lajmet e fundit nga