web counter
LEXO PA REKLAMA!

SHKARKO APP

App Store
Google Play

Masakra e Reçakut/ Kurti: Gjenocid ndaj popullit të Kosovës

15 Janar 2025, 12:33, Kosova & Bota CNA

Masakra e Reçakut/ Kurti: Gjenocid ndaj popullit të Kosovës

Përkujtohet sot 26-vjetori i Masakrës së Reçakut në Kosovë.

Ceremonia e rastit u zhvillua paraditen e sotme, gjatë së cilës u vendosën kurora me lule. Të pranishëm ishin edhe krerët më të lartë të shtetit.

Me këtë rast, Kryeministri i Kosovës, Albin Kurti, në fjalën e tij u shpreh së kjo masakër është një gjenocid ndaj popullit të Kosovës. “Historia e popullit të Kosovës është ajo e triumfit të lirisë”, -tha Kurti.

Ndërkaq, nuk ngurroi të thoshte se zbardhja e masakrave është përgjegjësi institucionale.

Ndërsa Presidentja e Kosovës, Vjosa Osmani, u shpreh se pamjet e kësaj masakre tronditën botën.

Historia e Masakrës së Reçakut

Ngjarja e rëndë ka ndodhur më 15 janar 1999, ku u vranë 45 shqiptarë. Masakra u organizua dhe u krye nga forcat policore, ushtarake dhe paraushtarake serbe. Serbia refuzon të ketë kryer masakër të tillë.

Një ditë pas kryerjes së masakrës, William Walker, ambasadori i OSBE-së në Kosovë, vizitoi vendin e ngjarjes, u tmerrua nga kufomat e masakruara. "Nga ajo që pashë nuk ngurroj të përshkruaj ndodhinë si masakër dhe krim kundër njerëzimit. Kjo është ngjarja më trishtuese në jetën time", u shpreh ai.

Për këtë ngjarje u dënuan ish-polici Zoran Stanojeviq dhe Çedomir Aksiqi, secili me nga 15 vjet burgim./ CNA





Lajmet e fundit nga