web counter
LEXO PA REKLAMA!

SHKARKO APP

App Store
Google Play

E fundit!

x

Shpalli shtetrrethimin dhe shkaktoi kaos politik/ Arrestohet presidenti i Koresë së Jugut

15 Janar 2025, 07:41, Kosova & Bota CNA

Shpalli shtetrrethimin dhe shkaktoi kaos politik/ Arrestohet presidenti i

Presidenti i Koresë së Jugut, Yoon Suk Yeol, është arrestuar nga Agjencia e Antikorrupsionit (CIO) në Seul me akuzën e tradhtisë për përpjekjen për grusht shteti më 3 dhjetor të vitit të kaluar.

Yoon, më parë ka shërbyer dhe si Prokuror i Përgjithshëm, është presidenti i parë në detyrë në historinë e Koresë së Jugut, megjithëse i pezulluar nga detyra për shkak të procedurave të shkarkimit për përmbysje dhe shpërdorim detyre që përfundon në pranga.

Ai u pezullua nga detyra më 14 dhjetor për shpalljen e gjendjes ushtarake për vetëm gjashtë orë, por futi Korenë e Jugut në kaos dhe më vonë u revokua nga parlamenti.

Arrestimi i tij ndodhi pas një ndërhyrjeje masive të forcave të sigurisë, ku rreth 3,000 policë çanë barrikadat dhe telat me gjemba për të hyrë në rezidencën presidenciale.

Si një ish-prokuror që udhëhoqi Partinë Konservatore të Fuqisë Popullore (PPP) drejt fitores në zgjedhjet e vitit 2022, Yoon mund të përballet me dënim me vdekje ose burgim të përjetshëm nëse shpallet fajtor për kryengritje.

Ai kishte tentuar ta shmangte arrestimin për javë të tëra duke qëndruar në rezidencën e tij, i mbrojtur nga anëtarët e Shërbimit të Sigurisë Presidenciale (PSS) që i kishin qëndruar besnikë.

 

 





Lajmet e fundit nga