E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Merr detyrën më 20 janar/Trump do të marrë pjesë virtualisht në takimin e Davosit pas inagurimit

14 Janar 2025, 20:42, Kosova & Bota CNA

Merr detyrën më 20 janar/Trump do të marrë pjesë

Presidenti i Shteteve të Bashkuara Donald Trump do të marrë pjesë virtualisht në takimin vjetor të Forumit Ekonomik Botëror në Davos të Zvicrës, disa ditë pas inaugurimit, tha të martën Presidenti i forumit.

Borge Brende, ish-ministër i Jashtëm i Norvergjisë, i cili drejton organizatën me seli në Gjenevë, vuri në dukje se gjatë mandatit të tij të parë, Trump kishte marrë pjesë personalisht dy herë në takimin që bën bashkë udhëheqës qeveritarë, sipërmarrës dhe drejtues të tjerë.

"Të enjten pasdite ai do të na bashkohet përmes internetit, për një dialog me pjesëmarrësit tanë", u tha Brende gazetarëve të martën ndërsa prezantoi agjendën pesë-ditore të takimit i cili do të fillojë të hënën, ditën e inaugurimit të Trump.

"Mendojmë se do të jetë një moment shumë i veçantë, veçanërisht për të kuptuar përparësitë që do të ndjekë administrata e re", shtoi ai

Organizatorët e forumit thonë se në takimin e këtij viti pritet të marrin pjesë rreth 900 udhëheqës biznesi, përfshirë nga tregje të rëndësishme në zhvillim, ndërsa në total do të jenë të pranishëm rreth 3000 pjesëmarrës nga mbi 130 vende.

Me sfidës së ndryshimeve klimatike, luftrave, tensioneve globale, pasigurisë ekonomike dhe çështjeve të tjera, Brende pranoi se takimi i 55-të vjetor i forumit do të zhvillohet në sfodin gjeopolitik më të ndërlikuar ndër breza.

Tema e takimit të këtij viti është "Bashkëpunimi për Epokën Inteligjente" - një shenjë e rëndësisë në rritje të teknologjisë në botë.

Ursula Von Der Leyen, presidente e Komisionit Europian planifikon të marrë pjesë në ditën e fillimit të takimeve të martën, pas mbrëmjes festive të hapjes së forumit të hënën. Pjesëmarrës të tjerë të lartë përfshijnë Presidentin e Argjentinës Javier Milei, Presidentin e Afrikës së Jugut Cyril Ramaphosa dhe Zëvendëskryeministrin kinez Ding Xuexiang.

Në forum do të trajtohen çështje si: E ardhmja e Sirisë pas rënies së presidentit Bashar al-Assad ku në takim do të marë pjesë ministri i ri i jashtëm sirian, tema të tjera do të jenë lufta kundër ndryshimeve klimatike, kërcënimet që paraqet inteligjenca artificiale; tregtia globale dhe rritja ekonomike, si dhe luftërat në vende si Ukraina, Sudan./CNA